ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର,(ଓଡ଼ିଶା ରିପୋର୍ଟର): ଭୁବନେଶ୍ୱର ଲୋୟର ପିଏମଜିରେ ଆଜିଠୁ ଆରମ୍ଭ ହୋଇଛି ଚାଷୀଙ୍କ ଅନଶନ ଓ ସତ୍ୟାଗ୍ରହ। ତେବେ ନବନିର୍ମାଣ କୃଷକ ସଂଗଠନ ଡାକରାରେ ଆଜିର ସମାବେଶରେ କିନ୍ତୁ ଦେଖିବାକୁ ମିଳ ନ ଥିଲେ ପୂର୍ବରୁ ସରକାର ବିରୋଧରେ ରଣହୁଙ୍କାର ଦେଇି ଆସୁଥିବା ସୌମ୍ୟରଞ୍ଜନ ପଟ୍ଟନାୟକ। ସେପଟେ ମହାରାଷ୍ଟ୍ରରେ ଅଖିଳ ଭାରତୀୟ କିଷାନ ସଂଘର ଡାକରାରେ କୃଷି ଋଣ ଛାଡ଼ ଓ ସ୍ୱାମୀନାଥନ କମିଟିର ସୁପାରିଶ ଲାଗୁ ଦାବିରେ ଆନ୍ଦୋଳନକୁ ଓହ୍ଲାଇଥିବା ଚାଷୀଙ୍କ ଦାବି ପୂରଣ ଲାଗି ପ୍ରତିଶ୍ରୁତି ଦେଇଛନ୍ତି ରାଜ୍ୟ ସରକାର। ଆଜି ଦାବି ହାସଲ ପାଇଁ ରାଜଧାନୀ ରାଜରାସ୍ତାରେ ହଜାର ହଜାର ଚାଷୀଙ୍କ ମେଳି ହୋଇଥିଲେ।</p> <p>ପ୍ରାଇସ, ପ୍ରେଷ୍ଟିଜ୍ ଓ ପେନସନ୍ ପାଇଁ ଲୋୟର ପିଏମଜିରେ ଏକାଠି ହୋଇଥିଲେ ଚାଷୀ ଓ ଚାଷୀ ନେତା। ଏହି ଚାଷୀଙ୍କ ପ୍ରମୁଖ ଦାବି ମଧ୍ୟରେ ରହିଛି ରାଜ୍ୟର ୩୬ ଲକ୍ଷ ଚାଷୀଙ୍କ ପାଇଁ ୨୦ ବର୍ଷ ବୟସରୁ ମାସିକ ୫ ହଜାର ଟଙ୍କା ହିସାବରେ ସୁରକ୍ଷା ଭତ୍ତା, ଧାନ କ୍ୱିଣ୍ଟାଲ ପିଛା ଦର ୫ ହଜାର ଟଙ୍କାକୁ ଧାର୍ଯ୍ୟ, ଚାଷୀଙ୍କ ଲାଗି ବଜେଟ୍‌ରେ ବାର୍ଷିକ ୨୧ ହଜାର ୬୦୦ କୋଟି ଟଙ୍କାର ବ୍ୟବସ୍ଥା। ତେବେ ଆଜିର ଚାଷୀ ସମାବେଶରେ କିନ୍ତୁ ଦେଖିବାକୁ ମିଳିନଥିଲେ ବିଜେଡିର ରାଜ୍ୟସଭା ପ୍ରାର୍ଥୀ ସୌମ୍ୟ ରଞ୍ଜନ ପଟ୍ଟନାୟକ।</p> <p>ପୂର୍ବ ସମାବେଶମାନଙ୍କରେ ସରକାର ବିରୋଧୀ ନାରା ଦେଉଥିବା ସୌମ୍ୟଙ୍କ ଅନୁପସ୍ଥିତିକୁ ନେଇ ଉଠିଥିବା ପ୍ରଶ୍ନରେ କୃଷକ ନେତା କହିଛନ୍ତି ସୌମ୍ୟ ଚାଷୀଙ୍କ ପାଇଁ ମହାଭାରତର ବିଦୁରଙ୍କ ଭଳି କାମ କରନ୍ତୁ। ଭୀଷ୍ମ କି ଦ୍ରୋଣାଚାର୍ଯ୍ୟ ହେଲେ ସବୁଦିନ ପାଇଁ ଚାଷୀଙ୍କ ହୃହୟରୁ ଅପସରି ଯିବେ ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
