ବରଗଡ଼ରୁ ସମ୍ବଲପୁର ଓ ଝାରସୁଗୁଡ଼ାକୁ ଡେଇଁଲା ନିଆଁ, ଚାଷୀ ଜାଳି ଦେଲେ ଫସଲ

<p>ଭୁବନେଶ୍ୱର: ଗତକାଲି ବରଗଡ଼ର କଳାପାଣି ଗାଁରେ ଚକଡ଼ା ପୋକ ଲାଗିଯିବା ଯୋଗୁଁ ଜମିରେ ନିଆଁ ଲଗାଇ ଦେଇଥିବା ବୃନ୍ଦା ସାହୁ ନାମକ ଜଣେ ଚାଷୀ ଆଜି ବିଷ ପିଇ ଆତ୍ମହତ୍ୟା କରିଛନ୍ତି। ଅନ୍ୟପକ୍ଷରେ ନିଆଁ ଆଜି ବରଗଡ଼ର ଡେଇଁଛି। ଅର୍ଥାତ୍&zwnj; ସମ୍ବଲପୁର ଓ ଝାରସୁଗୁଡ଼ାରେ ବି ଫସଲ ପୋଡ଼ି ଦେଇଛନ୍ତି ଚାଷୀ।</p> <p>ରୋଗକପୋକ ପ୍ରଭାବରେ ଧାନ ଫସଲ ନଷ୍ଟ ହେବା ପରେ ଝାରସୁଗୁଡ଼ା ଲଖନପୁର ପଞ୍ଚାୟତର ଅଏଁଲପଡ଼ା ଗାଁର ଜଣେ ଚାଷୀ ଧାନ କ୍ଷେତରେ ନିଆଁ ଲଗାଇ ଦେଇଛନ୍ତି। ଫଳରେ ଏକର ଏକର ଚାଷ ଜମି ପୋଡ଼ି ଯାଇଛି।</p> <p>ସେହିପରି ସମ୍ବଲପୁର ଜିଲ୍ଲା ଧନକଉଡ଼ା ବ୍ଲକ୍&zwnj;ର ଖୁଦପାଲି ଗାଁର ସତ୍ୟାନନ୍ଦ ସେଠ୍ ନାମକ ଜଣେ ଚାଷୀ ମଧ୍ୟ ନିଜ ଧାନ କ୍ଷେତରେ ନିଆଁ ଲଗାଇ ଦେଇଛନ୍ତି। ଚକଡ଼ା ପୋକ ଯୋଗୁଁ ଅମଳ ସମୟରେ ଧାନ ଫସଲ ନଷ୍ଟ ହେବା ଯୋଗୁ ଚାଷୀ ହତାଶ ହୋଇ ଏଭଳି ଚରମ ପଦକ୍ଷେପ ନେଇଛନ୍ତି।</p> <p>ଚକଡ଼ା ପୋକ ଲାଗିଯାଇଥିବା ଯୋଗୁଁ ଗତକାଲି ବରଗଡ଼ର ଚାଷୀ ବୃନ୍ଦା ସାହୁ ନିଜର ଅଧା ଏକର ଜମିରେ ନିଆଁ ଲଗାଇ ଦେଇଥିଲେ। ଆଜି ବିଲ ମଝିରେ ସେ ବିଷ ପିଇ ଦେଇଥିଲେ। ତାଙ୍କୁ ଗୁରୁତର ଅବସ୍ଥା ବରଗଡ଼ ଡାକ୍ତରଖାନା ନିଆଯାଇଥିଲା। ତେବେ ସେଠାରେ ତାଙ୍କ ମୃତ୍ୟୁ ଘଟିଛି।</p>