ବାଲେଶ୍ୱର(ଓଡ଼ିଶା ରିପୋର୍ଟର): ବାପା ନା ସୈତାନ! ନିଜ ଦେଢ ମାସର ଶିଶୁ ପୁଅକୁ ବାପା କଚାଡି ହତ୍ୟା କରିଥିବା ଅଭିଯୋଗ ହୋଇଛି। ବାଲେଶ୍ୱର କସିମିଳାରେ ଘଟିଛି ଏଭଳି କିଛି ଲୋମହର୍ଷଣକାରୀ ଘଟଣା।
କସିମିଳାର ପ୍ରଭାତ କୁମାର ବାଇ ଓ ତାଙ୍କ ଦ୍ୱିତୀୟ ସ୍ତ୍ରୀଙ୍କ ମଧ୍ୟରେ କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ପ୍ରଭାତ ତାଙ୍କ ପତ୍ନୀଙ୍କ ହାତରୁ ପୁଅକୁ ଛଡ଼ାଇ ନେଇ କଚାଡି ବୁଢ଼ାବଳଙ୍ଗ ନଦୀ ପଠାକୁ ଫିଙ୍ଗି ଦେଇଥିବା ଅଭିଯୋଗ ହୋଇଥିଲା। ଶିଶୁପୁତ୍ରକୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ତେବେ ସେଠାରେ ତାକୁ ମୃତ ଘୋଷଣା କରିଥିଲେ ଡାକ୍ତର। ପୁଲିସ ଅଭିଯୁକ୍ତ ବାପାକୁ ଗିରଫ କରି ପଚରାଉଚରା କରୁଛି।
ସେପଟେ ଅଭିଯୋଗକୁ ଖଣ୍ଡନ କରିବା ସହ ଶିଶୁପୁତ୍ର ରାସ୍ତାରେ ଆସିବା ବେଳେ ବାଇକ୍ରୁ ପଡ଼ିଯାଇ ପ୍ରାଣ ହରାଇଥିବା କହିଛନ୍ତି। ତାଙ୍କ ସ୍ତ୍ରୀ ମିଛ ଅଭିଯୋଗ କରିଥିବା ସେ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
