କାମାକ୍ଷାନଗର (ବିଦ୍ୟାଧର ବରାଳ): ସାଇକେଲ ଚୋରିକୁ କେନ୍ଦ୍ର କରି ହେଲା ହଣାକଟା। ଏଥିରେ ୨ ଜଣ ଗୁରୁତର ହୋଇ ମୃତ୍ୟୁ ସହ ସଂଗ୍ରାମ କରୁଛନ୍ତି। ଘଟଣାଟି ଘଟିଛି ଢେଙ୍କାନାଳ ଜିଲ୍ଲା କାମାକ୍ଷାନଗରର ବାଇସିଙ୍ଗା ଗାଁରେ।
ଗତକାଲି ବିଳମ୍ବିତ ରାତିରେ ଚରଣ ନାଏକଙ୍କର ସାଇକେଲ ଚୋରି ହୋଇଯାଇଥିଲା । ସେହି ଗାଁର ବାଦଲ ସାଇକେଲ୍ ଚୋରି କରିଥିବା ନେଇ ସେ ସନ୍ଦେହ କରିଥିଲେ। ଏହା ପରେ ସିଧା ଯାଇ ବାଦଲଙ୍କୁ ଏ ବିଷୟରେ ପଚାରିଥିଲେ। ଏହାକୁ ନେଇ ଉଭୟଙ୍କ ମଧ୍ୟରେ ହଣାକଟା ପରିସ୍ଥିତି ସୃଷ୍ଟ ହୋଇଥିଲା। କାମାକ୍ଷାନଗର ପୁଲିସ୍ ଘଟଣାସ୍ଥଳରେ ପହଞ୍ଚି ଗୋଟିଏ ଟାଙ୍ଗିଆକୁ ଜବତ କରିବା ସହ ତଦନ୍ତ ଜାରି ରଖିଛି।
ଗୁରୁତର ଅବସ୍ଥାରେ ଉଭୟ ଚରଣ ଓ ବାଦଲଙ୍କୁ ପ୍ରଥମେ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଥିଲା। ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଉଭୟଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
