ଭୁବନେଶ୍ୱର(ଓଡ଼ିଶା ରିପୋର୍ଟର): ଜିଏସଟି ମାମଲାକୁ ରଫାଦଫା କରିବା ପାଇଁ ସରକାରୀ କର୍ମଚାରୀଙ୍କୁ ୧୦ଲକ୍ଷ ଟଙ୍କା ଲାଂଚ ଦେବା ଅଭିଯୋଗରେ ସେଞ୍ଚୁରିଆନ୍ ୟୁନିର୍ଭସିଟି ନାଁରେ ଆଜି ସିବିଆଇ ଏକ ମାମଲା ରୁଜୁ କରିଛି। ଏହି ଲାଂଚ କାରବାର ପାଇଁ ଡିଲ୍ ଚାଲିଥିବାବେଳେ ସିବିଆଇ ଗତକାଲି ଭୁବନେଶ୍ୱରର ରାମମନ୍ଦିର ନିକଟରେ ଥିବା ହୋଟେଲ ମ୍ୟାରିଅନରେ ଚଢ଼ଉ କରିଥିଲା। ଆଉ ୪ଜଣଙ୍କୁ ଗିରଫ କରିଥିଲା।
ସିବିଆଇ ସୂତ୍ରରୁ ମିଳିଥିବା ସୂଚନା ଅନୁସାରେ ଆଇପିସିର ଧାରା ୧୨୦(ଖ), ୧୯୮୮ ସେକ୍ସନ ୭(କ), ୮ ଓ ୯ ଧାରାରେ ମାମଲା ମଧ୍ୟ ରୁଜୁ କରାଯାଇଛି। ସିବିଆଇ ଗତକାଲି ଗିରଫ କରିଥିବା ବ୍ୟକ୍ତିଙ୍କ ମଧ୍ୟରେ ଭୁବନେଶ୍ୱର ସର୍କଲର ଜିଏସଟି ସୁପରିଟେଣ୍ଡେଣ୍ଟ ଆତ୍ରଭଞ୍ଜନ କର ଓ ଜିଏସଟି ଅଫିସର ପ୍ରଦୀପ କୁମାର ଆଚାର୍ଯ୍ୟ ଓ ଏନଏନ ସାହୁଙ୍କ ସମେତ ସେଂଚୁରିଆନ୍ ବିଶ୍ୱବିଦ୍ୟାଳୟର ଆକାଉଣ୍ଟ ଅଫିସର ଆଶୁତୋଷ ପାଢ଼ୀ ସାମିଲ ଥିବାବେଳେ ସେମାନଙ୍କ ନାଁରେ ମଧ୍ୟ ମାମଲା ରୁଜୁ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
