ଭଦ୍ରକ(ଓଡ଼ିଶା ରିପୋର୍ଟର): ଅଗ୍ନିକାଣ୍ଡରେ ଜଳିଗଲେ ଚତୁର୍ଦ୍ଧା ମୂର୍ତ୍ତି । ହେଲେ ବର୍ତ୍ତିଗଲା ଠାକୁରଙ୍କ ଭାଗବତ ଗାଦି । ଏଭଳି ଘଟଣା ଘଟିଲା ପରେ ଗାଁରେ ସମ୍ପୂର୍ଣ୍ଣ ଭାବେ ରନ୍ଧାବଢ଼ା ବନ୍ଦ ରହିଛି । ତିହିଡି ଥାନା ପାଳିଆ ବିନ୍ଧା ଗାଁରେ ଏଭଳି ଘଟଣା ଘଟିଛି । ସୂଚନା ଅନୁଯାୟୀ ଭଦ୍ରକର ପାଳିଆବିନ୍ଧାରେ ଶ୍ରୀ ଜଗନ୍ନାଥ ଜୀଉ ଗୋଷ୍ଠୀ କେନ୍ଦ୍ର ରହିଛି। ଏହି ପୀଠରେ ଭାଗବତ ପାଠ କରାଯାଏ ।
ଏଠାରେ ଜଗନ୍ନାଥ , ବଳଭଦ୍ର ଓ ସୁଭଦ୍ରାଙ୍କ ସହ ସୁଦର୍ଶନ ମଧ୍ୟ ପୂଜା ପାଆନ୍ତି । ତେବେ ଗତକାଲି ରାତିରେ କୌଣସି କାରଣରୁ ଚତୁର୍ଦ୍ଧା ମୂର୍ତ୍ତି ଜଳି ଯାଉଥିବା ଗାଁ ଲୋକ ଦେଖି ହତବାକ ହୋଇଯାଇଥିଲେ । ପରେ ଗାଁ ଲୋକ ମିଶି ନିଆଁ ଲିଭାଇଦେଇଥିଲେ। ତେବେ ଅଗ୍ନିକାଣ୍ଡରୁ ଭାଗବତ ଗାଦି ବର୍ତ୍ତି ଯାଇଛି। ତେବେ ନିଜର ଭାବର ଠାକୁର ଜଳି ଯାଇଥିବାରୁ ଗାଁ ଲୋକେ ମର୍ମାହତ ହୋଇପଡ଼ିଛନ୍ତି। ଗ୍ରାମବାସୀ ସମ୍ପୂର୍ଣ୍ଣ ଭାବେ ମ୍ରିୟମାଣ ହେବା ସହ ଦୁଃଖରେ ଭାଙ୍ଗି ପଡିଛନ୍ତି । ଏହି ଘଟଣା ଘଟିବା ପରେ ଗାଁରେ ସମ୍ପୂର୍ଣ୍ଣ ଭାବେ ରନ୍ଧା ବଢ଼ା ବନ୍ଦ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
