ବ୍ରହ୍ମପୁର(ଜଗନ୍ନାଥ ସାହୁ): ବ୍ରହ୍ମପୁର ଅନ୍ଧପସରା ସ୍ଥିତ ବାଣ ମାର୍କେଟରେ ଅଗ୍ନିକାଣ୍ଡ ଘଟିଛି। ଫଳରେ ଲକ୍ଷାଧିକ ଟଙ୍କାର ବାଣ ପୋଡି ନଷ୍ଟ ହୋଇଯାଇଛି।
ସୂଚନା ଅନୁସାରେ ଗତକାଲି ରାତିରେ ବାଣ ମାର୍କେଟର ଏକ ଦୋକାନରୁ ହଠାତ୍ ଧୂଆଁ ବାହାରିବା ସହ ବାଣ ଫୁଟିବା ଶବ୍ଦ ଶୁଣିଥିଲେ ସ୍ଥାନୀୟ ଲୋକେ। ସଙ୍ଗେସଙ୍ଗେ ଲୋକେ ଦମକଳବାହିନୀକୁ ଖବର ଦେଇଥିଲେ। ପରେ ଘଟଣାସ୍ଥଳରେ ୪ଟି ଦମକଳ ପହଞ୍ଚି ନିଆଁକୁ ଆୟତ କରିବା ପାଇଁ ଉଦ୍ୟମ ଆରମ୍ଭ କରିଥିଲେ। ହେଲେ ଦୋକାନ ବନ୍ଦ ରହିବା ସହ ଭିତରେ ବାଣ ଫୁଟୁଥିବାରୁ ନିଆଁକୁ ଆୟତ କରିବା ପାଇଁ ଦମକଳ ବାହିନୀକୁ ପ୍ରାୟ ୨ଘଣ୍ଟା ଧରି କସରତ କରିବାକୁ ପଡିଥିଲା। ପରେ ତାଲା ଭାଙ୍ଗି ନିଆଁକୁ ଆୟତ କରିଥିଲା ଦମକଳ ବାହିନୀ।
ମାର୍କେଟରେ ପ୍ରାୟ ୫୨ଟି ଦୋକାନ ରହିଛି। ତେବେ ସର୍ଟସର୍କିଟ ଯୋଗୁଁ ଏହି ଅଗ୍ନିକାଣ୍ଡ ହୋଇଥିବା କୁହାଯାଉଛି। ବାଣ ମାର୍କେଟରେ ସୁରକ୍ଷା ପାଇଁ ବ୍ୟାପକ ପଦକ୍ଷେପ ନିଆଯାଉ ନଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି। ପୂର୍ବରୁ ମଧ୍ୟ ଏହି ମାର୍କେଟରେ ନିଆଁ ଲାଗି ଅନେକଙ୍କ ଜୀବନ ଯାଇଥିଲା ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
