କଟକ(ଓଡ଼ିଶା ରିପୋର୍ଟର): କଟକ ମଙ୍ଗଳାବାଗର ଏକ କୋଠାରେ ଆଜି ବଡ଼ ଧରଣର ଅଗ୍ନିକାଣ୍ଡ ହୋଇଛି। ନିଆଁ ଲିଭା କାର୍ଯ୍ୟରେ ୩ ଅଗ୍ନିଶମ ଗାଡ଼ି ନିୟୋଜିତ ହୋଇଛନ୍ତି । ପ୍ରଥମେ କୋଠାରେ ଥିବା ଏକ ସର୍ଜିକାଲ ଦୋକାନରେ ନିଆଁ ଲାଗି ଯାଇଥିଲା। ଏହାପରେ ଏହି ନିଆଁ ଆଖି ପିଛୁଳାକେ କୋଠାର ଅନ୍ୟ ଅଂଶକୁ ବ୍ୟାପିଯାଇଥିଲା।
ଏହି କୋଠାରେ ଆନ୍ଧ୍ର ବ୍ୟାଙ୍କ ଶାଖା ଥିବା ବେଳେ ନିଆଁ ଉକ୍ତ ବ୍ୟାଙ୍କକୁ ବ୍ୟାପିନଥିବା କିମ୍ବା କୌଣସି କ୍ଷୟକ୍ଷତି ହୋଇ ନଥିବା ଜଣାଯାଇଛି। ଅପରପକ୍ଷେ ମଙ୍ଗଳାବାର ଏକ ଜନଗହଳିପୂର୍ଣ୍ଣ ଅଞ୍ଚଳ ହୋଇଥିବାରୁ ଗାଡ଼ି ଚଳାଚାଳ ବାଧାପ୍ରାପ୍ତ ହୋଇଛି।