ଅନନ୍ତ ବାସୁଦେବ ମନ୍ଦିର ରୋଷଘରେ ଅଗ୍ନିକାଣ୍ଡ

ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱର ସ୍ଥିତ ଅନନ୍ତ ବାସୁଦେବ ମନ୍ଦିର ରୋଷଘରେ ଭୟାବହ ଅଗ୍ନିକାଣ୍ଡ ଘଟିଛି। ଗତକାଲି ବିଳମ୍ବିତ ରାତିରେ ହଠାତ୍ ନିଆଁ ଲାଗି ୨୨ଟି ରୋଷଘର ପୋଡ଼ି ପାଉଁଶ ହୋଇଯାଇଛି।

ରୋଷଘର ଛଣରେ ତିଆରି ହୋଇଥିବାରୁ ନିଆଁରେ ପୋଡ଼ି ପୂରା ପାଉଁଶ ହୋଇଯାଇଛି। ଅଗ୍ନିଶମ ବିଭାଗର ୩ଟି ଟିମ୍ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ।

ରୋଷଘରେ ନିଆଁ ଲାଗିବା ଯୋଗୁଁ ଠାକୁରଙ୍କ ପାଇଁ କେବଳ କୋଠ ଭୋଗ ତିଆରି ହେବ।  ତେବେ ସାଧାରଣ ଲୋକଙ୍କ ପାଇଁ ହେଉଥିବା ଅବଢ଼ା ବନ୍ଦ ହୋଇପାରେ ବୋଲି ସୂଚନା ମିଳିଛି।। ଅନନ୍ତ ବାସୁଦେବଙ୍କଠାରେ ପ୍ରତିଦିନ ପ୍ରାୟ ୫ହଜାର ଲୋକଙ୍କ ପାଇଁ ଅବଢ଼ା ରୋଷେଇ ହୋଇଥାଏ।