୫ ବାହାରିଲେ, ୧୯ ପଶିଲେ

ଭୁବନେଶ୍ୱର(ଓଡ଼ିଶା ରିପୋର୍ଟର): ପୁଣି ୫ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି। ଏହି ୫ ଜଣଙ୍କ ମଧ୍ୟରେ ବାଲେଶ୍ୱରରୁ ୪ ଜଣ ଏବଂ ଯାଜପୁରର ଜଣେ ଅଛନ୍ତି। ତେବେ ଏମାନଙ୍କୁ ମିଶାଇ ରାଜ୍ୟରେ ଏବେ ସୁଦ୍ଧା ୬୮ ଜଣ ସୁସ୍ଥ ହୋଇ ଥିବା ସୂଚନା ଲୋକ ସମ୍ପର୍କ ବିଭାଗ ପକ୍ଷରୁ ଟ୍ୱିଟ୍‌ କରାଯାଇଛି। ସେପଟେ  କରୋନା ଆକ୍ରାନ୍ତଙ୍କ ସଂଖ୍ୟା କମିବାର ମଧ୍ୟ ନା ନେଉନି। ଆଜି  ଗୋଟିଏ ଦିନରେ ୧୯ ଜଣ ରୋଗୀ ଚିହ୍ନଟ ହୋଇଛନ୍ତି। ରାଜ୍ୟରେ ଏଯାଏଁ ୨୮୯ ଜଣ କରୋନା ରୋଗୀ ଚିହ୍ନଟ ହେଲେଣି।