ଭୁବନେଶ୍ୱର(ଓଡ଼ିଶା ରିପୋର୍ଟର): ଆଉ ୫ଜଣ ଆଇପିଏସଙ୍କୁ ଓଡ଼ିଶା କ୍ୟାଡ଼ର ଆବଣ୍ଟନ ହୋଇଛି। କେନ୍ଦ୍ର କାର୍ମିକ ମନ୍ତ୍ରଣାଳୟ ପକ୍ଷରୁ ଜାରି ବିଜ୍ଞପ୍ତି ଅନୁସାରେ ଆଇପିଏସ୍ ଏଚ୍ . ବିନୋଦପତି, ରାହୁଲ ଗୋଏଲ, ୟଶପ୍ରତାପ ଶ୍ରୀମଲ, ବିସି ହରିଶ ଓ ସମୀର କୁମାର ଜେନା। ଏହି ୫ଜଣ ଆଇପିଏସ୍ ଏବେ ପ୍ରୋବେସନର ଭାବେ ଅଛନ୍ତି। ସୂଚନାଯୋଗ୍ୟ, ପୂର୍ବରୁ ୫ଜଣ ଆଇପିଏସଙ୍କୁ ଓଡ଼ିଶା କ୍ୟାଡ଼ର ଆବଣ୍ଟନ କରାଯାଇଥିଲା। ସେମାନେ ଏବେ ହାଇଦ୍ରାବାଦସ୍ଥିତ ପୁଲିସ ଏକାଡେମୀରେ ପ୍ରଶିକ୍ଷଣ ନେଉଛନ୍ତି। ସେମାନେ ହେଲେ ଶିଲକେ ନଚିକେତ ବିଶ୍ୱନାଥ, ଗୁଣ୍ଡାଲା ରେଡ୍ଡୀ ରାଘବେନ୍ଦ୍ର, ଶୁଭେନ୍ଦୁ କୁମାର ପାତ୍ର, ଅଭିନବ ସୋନକର ଓ ରୋହିତ ବର୍ମା। ଏହି ସମସ୍ତ ଆଇପିଏସଙ୍କୁ ମିଶାଇଲେ ଓଡ଼ିଶା କ୍ୟାଡ଼ର ଆଇପିଏସଙ୍କ ସଂଖ୍ୟା ୧୨୫କୁ ବୃଦ୍ଧି ପାଇଛି।
ରାଜ୍ୟରେ ମୋଟ ମଞ୍ଜୁରୀପ୍ରାପ୍ତ ୧୮୮ଟି ଆଇପିଏସ୍ ପଦବୀ ରହିଥିବାବେଳେ ସେଥିରୁ ୧୩୧ଟି ପଦବୀରେ ସିଧାସଳଖ ନିଯୁକ୍ତି ଓ ୫୭ଟି ପଦବୀ ପଦୋନ୍ନତି ଭିତ୍ତିରେ ପୂରଣ ହୋଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
