କୂଳରେ ଲାଗିଲେ ଭାସି ଯାଇଥିବା ହାତୀ

<p>କଟକ (ଓଡ଼ିଶା ରିପୋର୍ଟର): ଆଠଗଡ଼ରୁ ଚନ୍ଦକା ଯିବା ବେଳେ ମହାନଦୀର ବନ୍ୟାର ପ୍ରଖର ସୁଅରେ ଭାସି ଯାଇଥିବା ୫ ହାତୀ ସୁରକ୍ଷିତ ଭାବେ କୂଳରେ ଲାଗିଛନ୍ତି।</p> <p>ଅନନ୍ତପୁର ଠାରେ ଗୋଟିଏ ହାତୀ କୂଳରେ ଲାଗିଥିବା ବେଳେ ନରାଜ ପାଖ କୂଳରେ ୩ଟି ଓ ଅନ୍ୟ ଗୋଟିଏ ସ୍ଥାନରେ ଆଉ ଗୋଟିଏ ହାତୀ କୂଳରେ ଲାଗିଛି।</p> <p>ନଈର ପ୍ରଖର ସ୍ରୋତରେ ୫ଟି ହାତୀ ଭାସିଯାଇଥିବା ଆଠଗଡ଼ ରେଞ୍ଜର ରବୀନ୍ଦ୍ର ନାଥ ନାୟକ କହିଥିଲେ।</p> <p>ହାତୀ ପଲରେ ୨୦ଟି ହାତୀ ଥିଲେ।</p> <p>ହାତୀମାନଙ୍କୁ ଉଦ୍ଧାର କରିବା ପାଇଁ ବନ ବିଭାଗ କର୍ମଚାରୀ ପହଞ୍ଚିଥିଲେ।</p> <p>ଏମାନେ ପ୍ରାୟ ପ୍ରତିଦିନ ଏହି ବାଟରେ ନଦୀ ପାର ହୋଇ ଯାଇଥାନ୍ତି। ତେବେ ନଦୀରେ ବନ୍ୟାପାଣିର ସୁଅ ପ୍ରଖର ଥିବାରୁ ସେମାନେ ଭାସି ଯାଇଥିଲେ।</p>