ଭୁବନେଶ୍ୱର(ଓଡ଼ିଶା ରିପୋର୍ଟର): ଦୁଇ ମାସ ପରେ ଦେଶରେ ଆଜିଠୁ ପୁଣି ଥରେ ଆରମ୍ଭ ହେଉଛି ଘରୋଇ ବିମାନ ସେବା । ଭୁବନେଶ୍ୱର ଅନ୍ତର୍ଜାତୀୟ ଏୟାରପୋର୍ଟରେ ଆଜି ୧୧ ଯୋଡ଼ା ବିମାନ ଉଡ଼ିବା ନେଇ ସୂଚନା ମିଳିଛି।
ଦିଲ୍ଲୀ, ହାଇଦ୍ରାବାଦ୍, ବେଙ୍ଗାଲୁରୁ ସହର ଭଳି ୧୧ଟି ସହରକୁ ଭୁବନେଶ୍ୱରରୁ ଆଜି ବିମାନ ଉଡ଼ିବ । ହେଲେ ଏହା ପୂର୍ବରୁ ଫ୍ଲାଇଟ ଚଳାଚଳ ପ୍ରସ୍ତୁତି ଅଭ୍ୟାସ ହୋଇଛି । ବିମାନ ବନ୍ଦର କର୍ତ୍ତୃପକ୍ଷ ଏନେଇ ଡେମୋ କରିଛନ୍ତି ।
ଏୟାରପୋର୍ଟ ଟର୍ମିନାଲ ପରିସରରେ ଟଚ୍-ଫ୍ରି ସେବା ଯୋଗାଇବା ପାଇଁ ଭୁବନେଶ୍ୱର ବିମାନ ବନ୍ଦର କର୍ତ୍ତୃପକ୍ଷ ପୂର୍ବରୁ କହିଥିଲେ । ଏହାକୁ କିଭଳି ସଫଳ ଭାବେ କାର୍ଯ୍ୟକାରୀ କରିହେବ ସେଥିପାଇଁ ବିମାନ ବନ୍ଦରରେ ଅଭ୍ୟାସ ହୋଇଥିଲା । ସେହିଭଳି ବିମାନ ବନ୍ଦରରେ ଯାତ୍ରୀଙ୍କ ପାଇଁ ଉଦ୍ଦିଷ୍ଟ ସିଟ୍ ଓ ବ୍ୟବହାର ଉପଯୋଗୀ ସ୍ଥାନଗୁଡିକୁ ସାନିଟାଇଜ୍ କରଯାଇଛି । ବିମାନ ବନ୍ଦରର ଚେକ୍-ଇନ୍-ଗେଟ୍, ପ୍ରବେଶ ପଥ ଓ ଅନ୍ୟ ସ୍ଥାନରେ ସାମାଜିକ ଦୂରତା ରଖିବାକୁ ଚିହ୍ନ କରାଯାଇଛି ।