ଲଘୁଚାପ ପ୍ରଭାବ: ପ୍ରବଳ ବର୍ଷାରେ ୪ଟି ଗାଁ ଉବୁଟୁବୁ

<p>ଧର୍ମଗଡ଼: ଗତକାଲି ଉପର ମୁଣ୍ଡରେ ପ୍ରବଳ ବର୍ଷା ହେବା ଯୋଗୁଁ &nbsp;କଳାହାଣ୍ଡି ଜିଲ୍ଲାରେ ବନ୍ୟା ସ୍ଥିତି ସୃଷ୍ଟି ହୋଇଛି। ଇନ୍ଦ୍ରାବତୀର ଦକ୍ଷିଣ କେନାଲର ଘେନୁଗୁଡା ନିକଟରେ ୧୦ ଫୁଟର ଘାଇ ହୋଇଛି। ଫଳରେ ୪ଟି ଗାଁରେ ବର୍ଷା ପାଣି ପଶି ଯାଇଛି। ଖଇରମାଳ,କପୁରମାଲ, ରଜାମୁଣ୍ଡା ଓ କୁରିଗୁମ୍ମା ଗାଁରେ ପାଣି ପ୍ରବାହିତ ହେଉଛି। ଏହିସବୁ ଗାଁ ଲୋକ ଏବେ ଜଳବନ୍ଦୀ ଅବସ୍ଥାରେ ଅଛନ୍ତି।</p> <p>ଅନେକ ଚାଷ ଜମିରେ ବାଲିଚର ମାଡ଼ି ଯିବା ସହ ବହୁ ଫସଲ ନଷ୍ଟ ହୋଇଛି। ରାସ୍ତାରେ ପାଣି ବହୁଥିବାରୁ ମୁଖିଗୁଡା-ଜୟପାଟଣାକୁ ଯାତାୟତ ବାଧାପ୍ରାପ୍ତ ହୋଇଛି। ପରିସ୍ଥିତିକୁ ଦେଖି ମଙ୍ଗଳପୁର ବ୍ୟାରେଜର ୫ଟି ଗେଟ୍&zwnj; ଖୋଲାଯାଇଛି।</p>