ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱର ବିମାନବନ୍ଦର ଦେଇ ଦିନକୁ ଦିନ ବଢ଼ି ଚାଲିଛି ସୁନା ଓ ବିଦେଶୀ ମୁଦ୍ରା ଚୋରା ଚାଲାଣ। ଏଠାରୁ ଗତ ୪ ମାସ ଭିତରେ ୫୦ ଲକ୍ଷରୁ ଅଧିକ ଟଙ୍କାର ଚୋରା ସୁନା ଜବତ ହୋଇଛି। ତେବେ କ’ଣ ପାଇଁ ଭୁବନେଶ୍ୱର ବିମାନ ବନ୍ଦରକୁ ଗଳାବାଟ କରିବାକୁ ଚାହୁଁଛନ୍ତି ସୁନା ଚୋରା ବେପାରୀ?</p> <p>୨୦୧୭ ନଭେମ୍ବର ୧୩ରେ ଭୁବନେଶ୍ୱର ଏୟାରପୋର୍ଟରୁ ଧରାପଡିଥିଲା ୩୩ ଖଣ୍ଡ ସୁନା। ୨୦୧୮ ମାର୍ଚ୍ଚ ୫ ତାରିଖରେ ଏୟାର ଏସିଆ ବିମାନରେ ଜଣେ ବ୍ୟକ୍ତିଙ୍କଠାରୁ ୪ ଖଣ୍ଡ ସୁନା ବିସ୍କୁଟ ଜବତ ହୋଇଥିଲା। ଆଉ ଗତକାଲି ଏୟାର ଇଣ୍ଡିଆ ଫ୍ଲାଇଟରେ ବ୍ୟାଙ୍କକରୁ ଭୁବନେଶ୍ୱର ଆସିଥିବା ବେଳେ ୪ଜଣ ବ୍ୟକ୍ତିଙ୍କଠାରୁ ମେଟାଲ କୋଟିଂ ଥିବା ୨୨ ଲକ୍ଷ ଟଙ୍କାରୁ ଅଧିକ ମୂଲ୍ୟର ବୈଦେଶିକ ସୁନା ଓ ବିଦେଶୀ ମୁଦ୍ରା ଜବତ କରାଯାଇଛି। ଗୋଟିଏ ପରେ ଗୋଟିଏ ଘଟଣା ସାମ୍ନାକୁ ଆସିବା ପରେ ଏହାକୁ ରୋକିବା ପାଇଁ ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ ଓ କଷ୍ଟମ ବିଭାଗ ପାଇଁ ଚାଲେଞ୍ଜ ହୋଇଛି।</p> <p>ଦୁବାଇରୁ ମୁମ୍ବାଇ ଓ ଅହମ୍ମଦାବାଦକୁ ଚୋରା ସୁନା ଚାଲାଣର ରୁଟ୍ ରହିଛି। ସେହିପରି ଥାଇଲାଣ୍ଡରୁ ମିଆଁମାର ଓ ସେଠାରୁ ବିଭିନ୍ନ ରାସ୍ତାରେ ଭାରତକୁ ଚୋରାରେ ସୁନା ଆସୁଥିବା ସୂଚନା ମିଳିଛି। ଥାଇଲାଣ୍ଡରୁ ମାଲେସିଆ ଓ ମାଲେସିଆରୁ ଭୁବନେଶ୍ୱର ଦେଇ ସୁନା ଚାଲାଣ ହେଉଥିବା ଜଣାପଡିଛି। ଏପରିକି ବ୍ୟାଙ୍କକକୁ ସିଧା ଭୁବନେଶ୍ୱର ଦେଇ ମଧ୍ୟ ଚୋରା ସୁନା ଆସୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
