ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ସମ୍ୱଲପୁର (ସଞ୍ଜୟ ଜେନା): ସମ୍ବଲପୁର ସହରର କୁଲୁଥକାନି ସ୍ଥିତ ମାଛ ମାର୍କେଟ୍‌ରେ ବିକ୍ରି ହେଉଥିବା ମାଛରୁ ବିଷାକ୍ତ ଫର୍ମାଲିନ୍‌ ମିଳିଛି। କୁରସିଆ ରୋହି ଓ କଳା ବଇଁଶୀ- ଏହି ୨ଟି ମାଛରେ ଫର୍ମାଲିନ୍‌ ଥିବା ଜଣାପଡ଼ିଛି।</p> <p>ଏନେଇ ମତ୍ସ୍ୟ ଉପ-ନିର୍ଦ୍ଦେଶକ ଓ ଖାଦ୍ୟ ସୁରକ୍ଷା ଅଧିକାରୀ ସୂଚନା ଦେଇଛନ୍ତି। ତେବେ ଅଧିକ ପରୀକ୍ଷା ପାଇଁ ସଂଗୃହୀତ ନମୂନାକୁ ଭୁବନେଶ୍ୱର ପଠାଯିବ ବୋଲି ଏହି ଦୁଇ ଅଧିକାରୀ କହିଛନ୍ତି। ବେପାରୀମାନେ ସ୍ଥାନୀୟ ମାଛ କହି ଆନ୍ଧ୍ର ମାଛ ବିକ୍ରି କରୁଥିବା ମତ୍ସ୍ୟ ଉପ-ନିର୍ଦ୍ଦେଶକ କହିଛନ୍ତି।</p> <p>ମାଛରେ ଫର୍ମାଲିନ୍ ଅଛି ନା ନାହିଁ ଜାଣିବାକୁ ଆଜି ସକାଳେ ସମ୍ୱଲପୁର ସହରର ବିଭିନ୍ନ ମାଛ ମାର୍କେଟ୍‌ ଉପରେ ଚଢ଼ଉ କରାଯାଇଥିଲା। ମତ୍ସ୍ୟ ବିଭାଗ ଓ ମହାନଗର ନିଗମ ପକ୍ଷରୁ ଅଇଁଠାପାଲ୍ଲୀ, ବୁଢ଼ାରାଜା, କମଲୀବଜାର ଓ ଗୋବିନ୍ଦତଲାରେ ଚଢ଼ଉ କରାଯାଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।