ଷ୍ଟେଟ୍ ବ୍ୟାଙ୍କ୍ ଭୁବନେଶ୍ଵର ମଣ୍ଡଳ ଅଫିସର୍ସ ଆସୋସିଏସନର ପ୍ରତିଷ୍ଠା ଦିବସ

ଭୁବନେଶ୍ୱର: ଭାରତୀୟ ଷ୍ଟେଟ୍ ବ୍ୟାଙ୍କ୍ ଭୁବନେଶ୍ଵର ମଣ୍ଡଳ ଅଫିସର୍ସ ଆସୋସିଏସନ୍ ପକ୍ଷରୁ  ୪୪ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଏହି ଅବସରରେ ବାଲେଶ୍ଵର ଜୋନାଲ କାର୍ଯ୍ୟାଳୟର ଅଫିସର ସଂଘ ତରଫରୁ ସ୍ଥାନୀୟ କରୁଣା ଗୌରୀ ଆଶ୍ରୟସ୍ଥଳର ଅନ୍ତେବାସୀଙ୍କୁ  ବିଭିନ୍ନ ପ୍ରକାର ସହାୟତା ପ୍ରଦାନ କରାଯାଇଛି। ଏଥିରେ ଲୋକମାନଙ୍କୁ ପ୍ରେସର୍ କୁକର୍ ଓ କିଛି ନିତ୍ୟ ବ୍ୟବହାର୍ଯ୍ୟ ବାସନକୁସନ ପ୍ରଦାନ କରାଯାଇଛି।

ଆଗକୁ ଏଭଳି ବ୍ୟାଙ୍କ ପକ୍ଷରୁ ସେବାମୂଳକ କାର୍ଯ୍ୟକ୍ରମ ଜାରି ରହିବ ବୋଲି ମତ ପ୍ରକାଶ ପାଇଛି। ସହାୟତା ପାଇବା ପରେ ସ୍ଥାନୀୟବାସୀ ଖୁସି ପ୍ରକଟ କରିଛନ୍ତି। ଉକ୍ତ କାର୍ଯ୍ୟକ୍ରମରେ ଜୋନାଲ ସମ୍ପାଦକ ସନତ ସାହୁ, ଜୋନାଲ ସଭାପତି ବିଚିତ୍ରାନନ୍ଦ ବେହେରା, କୋଷାଧ୍ୟକ୍ଷ ମାରିଆନୁସ କୁଜୁର, ବାଲେଶ୍ଵର ଆଞ୍ଚଳିକ ସମ୍ପାଦକ ରାଜେଶ ବେହେରା ଓ ସଭାପତି ଅଶୋକ ଦାସ ପ୍ରମୁଖ ଯୋଗ ଦେଇଥିଲେ। ସଂଘ ତରଫରୁ ଆଶ୍ରମରେ ବୃକ୍ଷରୋପଣ ସହ ଅନ୍ତେବାସୀଙ୍କ ମଧ୍ୟରେ ଏକ ଚିତ୍ରାଙ୍କନ ପ୍ରତିଯୋଗିତା ଆୟୋଜନ କରାଯାଇଥିଲା। ପରେ  ବିଜେତା ମାନଙ୍କୁ ପୁରସ୍କୃତ କରାଯାଇଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।