ନିଜେ ଲୁଟି ଏତଲା ଦେଇଥିଲା, ଧରାପଡ଼ିଲା

<p>କଟକ(ଓଡ଼ିଶା ରିପୋର୍ଟର): ଡାହାଣୀ ହୋଇ ଲାଗିଲେ, ଗୁଣିଆ ହୋଇ ଝାଡ଼ିଲେ।&nbsp; ଏପରି ଅଭିନବ ଢଙ୍ଗରେ ଲୁଟ୍ କରିଥିବା ଏକ ଘରୋଇ କମ୍ପାନୀର କର୍ମଚାରୀଙ୍କୁ ଗିରଫ କରିଛି କମିଶନରେଟ ପୋଲିସ। କଟକ ଆଲାହାବାଦ ବ୍ୟାଙ୍କ ସାମ୍ନାରୁ ୨୭ ଲକ୍ଷ ଟଙ୍କା ଲୁଟ୍ ଘଟଣାରେ ପର୍ଦ୍ଦାଫାସ କରିଛି ପୋଲିସ। ଲୁଟ୍&zwnj;ରେ ସମ୍ପୃକ୍ତ ୪ ଜଣ ଅଭିଯୁକ୍ତଙ୍କୁ ଗିରଫ କରିବା ସହ ସେମାନଙ୍କଠାରୁ ୨୬ ଲକ୍ଷ ୪୮ ହଜାର ଟଙ୍କା ଜବତ କରିଛି ପୋଲିସ।</p> <p>ଲୁଟ୍ ନେଇ ଏତଲା ଦେଇଥିବା ନଳିନୀକାନ୍ତ ତ୍ରିପାଠୀ ହିଁ ମୁଖ୍ୟ ଲୁଟେରା ବୋଲି ଏକ ସାମ୍ବାଦିକ ସମ୍ମିଳନୀରେ କଟକ ଡିସିପି ଅଖିଳେଶ୍ୱର ସିଂ ସୂଚନା ଦେଇଛନ୍ତି । ନଳିନୀକାନ୍ତ ହେଉଛନ୍ତି ଟଙ୍କା ଲୁଟ୍ ହୋଇଥିବା ଏକ ଘରୋଇ ସଂସ୍ଥାର କର୍ମଚାରୀ।&nbsp; ଗତ ମାସ ୩୧ତାରିଖରେ ସେ ଚାକିରି କରୁଥିବା କମ୍ପାନୀର ଟଙ୍କା ବ୍ୟାଙ୍କରୁ ଉଠାଇ ଆସୁଥିଲେ। ଏହି ସମୟରେ ତାଙ୍କଠାରୁ ଦୁର୍ବୃତ୍ତ ଟଙ୍କା ଲୁଟି ନେଇଥିବା ନେଇ ଥାନାରେ ନଳିନୀକାନ୍ତ ଅଭିଯୋଗ କରିଥିଲେ। ଦୁଇ ଦୁର୍ବୃତ୍ତ ବାଇକ୍&zwnj;ରେ ଆସି ଟଙ୍କା ଭର୍ତ୍ତି ବ୍ୟାଗ୍ ଲୁଟି ନେଇ ପଳାଇଥିବା ସେ ଅଭିଯୋଗ କରିଥିଲେ।&nbsp; ହେଲେ ଏବେ ସେ ନିଜେ ହିଁ ଏହି ଲୁଟ୍&zwnj;ର ମୁଖ୍ୟ ଅଭିଯୁକ୍ତ ବୋଲି ପୋଲିସ ସୂଚନା ଦେଇଛି।</p>