ଭଦ୍ରକ (ତପନ ସ୍ୱାଇଁ): ରୋଷେଇ କରୁଥିବା ବେଳେ ଗ୍ୟାସରେ ପୋଡ଼ି ହୋଇ ୪ ଜଣ ଗୁରୁତର ଆହତ ହୋଇଛନ୍ତି। ଏପରି ଘଟଣା ଭଦ୍ରକରେ ଘଟିଛି। ଗୁରୁତର ଆହତଙ୍କ ମଧ୍ୟରେ ଜଣେ ମହିଳା ଓ ୨ ଜଣ ଶିଶୁ ଅଛନ୍ତି। ସେମାନଙ୍କୁ କଟକ ବଡ଼ ମେଡିକାଲ୍କୁ ସ୍ଥାନାନ୍ତର କରାଯାଇଛି।
ଗତକାଲି ବିଳମ୍ୱିତ ରାତିରେ ପୁରୁଣା ବଜାର ଥାନା ଅଞ୍ଚଳରେ ଘର ଭିତରେ ରେହା ଖାତୁନ ରୋଷେଇ କରୁଥିଲେ। ପାଖରେ ତାଙ୍କର ୬ ବର୍ଷର ଫରିଦା ଖାତୁନ ଓ ସମ୍ପର୍କୀୟ ମିର୍ଜା କାଦିର ଥିଲେ। ଅସାବଧାନତା ଯୋଗୁ ଟାଙ୍କିରୁ ଗ୍ୟାସ୍ ନିର୍ଗତ ହୋଇଥିଲା। ପରେ ସେଥିରେ ନିଆଁ ଲଗିଯିବାରୁ ରେହା, ତାଙ୍କ ଝିଅ ଫରିଦା ଓ ମିର୍ଜା ପୋଡ଼ି ହୋଇଯାଇଥିଲେ। ନିଆଁ ଜଳୁଥିବା ଦେଖି ରେହାଙ୍କ ଦିଅର ସେକ୍ ଅବ୍ଦ୍ଦୁଲ୍ ସେମାନଙ୍କୁ ଉଦ୍ଧାର କରିବାକୁ ଯାଇ ପୋଡ଼ି ହୋଇଯାଇଥିଲେ। ପରିବାର ଲୋକେ ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଭଦ୍ରକ ମେଡିକାଲ୍ରେ ଭର୍ତ୍ତି କରିଥିଲେ। ସେଠାରେ ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡିକାଲ୍କୁ ସ୍ଥାନାନ୍ତରିତ କରାଯାଇଛି।