୨୫ରେ ଓଡ଼ିଶାର ୯ଟି ବୁଥ୍‌ରେ ହେବ ସାନି ମତଦାନ

ଭୁବନେଶ୍ୱର(ଓଡ଼ିଶା ରିପୋର୍ଟର): ଗତ ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ବିଭିନ୍ନ କାରଣରୁ ୯ଟି ବୁଥ୍‌ରେ ମତଦାନ ବେଳେ ବିଭ୍ରାଟ୍‌ ଦେଖାଦେଇଥିଲା। ଯେଉଁଥିପାଇଁ ସେଠାରେ ମତଦାନ ବନ୍ଦ ରହିଥିଲା। ଏଠାରେ ଆସନ୍ତା ୨୫ ତାରିଖରେ ପୁନଃ ମତଦାନ ହେବ ବୋଲି ରାଜ୍ୟ ନିର୍ବାଚନ କାର୍ଯ୍ୟାଳୟ ସୂତ୍ରରୁ ଜଣାପଡ଼ିଛି।

ସୁନ୍ଦରଗଡ଼ରେ ୨, କନ୍ଧମାଳରେ ୨, ବରଗଡ଼ରେ ୪, ଆସିକାରେ ୧ଟି ବୁଥ୍‌ରେ ସାନ ମତଦାନ ହେବ। ସେଗୁଡ଼ିକ ହେଲା- ବଣାଇ ବିଧାନସଭା ୧୨୯ ନଂ ଉପରପଡ଼ା କେନ୍ଦ୍ରିକେଲା ବୁଥ୍‌, ସୁନ୍ଦରଗଡ଼ ବିଧାନସଭା ୨୧୩ ନଂ ରଙ୍ଗଢିପା ବୁଥ୍‌, ଦଶପଲ୍ଲା ୨୧୦ ବାହାଡଝୋଲା, ୨୨୨ ବେତନଟୀ ବୁଥ୍, ଅତାବିରା ୨୩୫ ନଂ ଅରେଇଗୁଡ଼ି ବୁଥ୍‌ ରହିଛି। ସେହିପରି ବରଗଡ଼ ୬୮ ନଂ ଶକ୍ତିନଗର ବୁଥ୍, ପଦମପୁର ୧୬ନଂ ଡାଭା, ବ୍ରଜରାଜନଗର ୨୫୪ ନଂ ଚାରମାଳ ବୁଥ୍ ଓ ସୋରଡ଼ା ବିଧାନସଭା ୧୮୨ ନଂ ରେଣ୍ଟି ବୁଥ୍‌ରେ ଆସନ୍ତା ୨୫ ତାରିଖରେ ସାନି ମତଦାନ ହେବ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।