ଖେଳୁଥିବା ବେଳେ ବିଦ୍ୟୁତ୍‌ ତାର ସଂସ୍ପର୍ଶରେ ଆସିଗଲା ଶିଶୁ

ଭଦ୍ରକ(ପାର୍ଥସାରଥୀ ନାୟକ): ଖେଳୁଥିବା ବେଳେ ବିଦ୍ୟୁତ୍‌ ତାର ସଂସ୍ପର୍ଶରେ ଆସି ଆଖି ବୁଜିଛି ୫ ବର୍ଷିୟା ଶିଶୁ କନ୍ୟା। ଏପରି ଦୁଃଖଦ ଘଟଣା ଭଦ୍ରକ ଜିଲ୍ଲା ଧାମନଗର ବ୍ଲକ ଆନନ୍ଦପୁର ପଞ୍ଚାୟତର ହାତିଢିଅ ଗାଁରେ ଘଟିଛି ।  ମୃତ ଶିଶୁର ନାଁ ଦୀପାଞ୍ଜଳି ମଲ୍ଲିକ ।

ଗାଁର ଚକ୍ରଧର ମଲ୍ଲିକଙ୍କ ଝିଅ ଦୀପାଞ୍ଜଳି ସକାଳେ ନିଜ ବାଡ଼ିରେ ଖେଳୁଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ଯାଇଥିଲା ।  ସେଠାରେ ସେ ଚିତ୍କାର କରି ତଳେ ପଡି ଯାଇଥିଲା । ପରିବାର ଲୋକେ ତୁରନ୍ତ ଛୁଆଟିକୁ ଧାମନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିବା ବେଳେ ସେଠାରେ ଡାକ୍ତର ତାକୁ ମୃତ ଘୋଷଣା କରିଛନ୍ତି।

ଗତକାଲି ଧାମନଗର ବିଦ୍ୟୁତ୍‌ ବିଭାଗ ପକ୍ଷରୁ ଏଲଟି ଲାଇନ୍‌ ଖୋଲି ଦିଆଯାଇ କେବୁଲ ଲାଇନ ସଂଯୋଗ କରାଯାଇଥିଲା । ହେଲେ ଭୁଲ୍‌ବଶତଃ ଫାଙ୍କା ଏଲଟି ଲାଇନ ଛାଡ଼ି ଯାଇଥିଲେ । ଏନେଇ ଗତକାଲି ଗ୍ରାମବାସୀ ବିଦ୍ୟୁତ୍‌ ବିଭାଗକୁ ଜଣାଇଥିଲେ ମଧ୍ୟ କାର୍ଯ୍ୟରେ ଥିବା କର୍ମଚାରୀ ଶୁଣିନଥିଲେ । ସକାଳେ ଦୀପାଞ୍ଜଳି ଖେଳୁଥିବାବେଳେ ତାରରେ ଲାଗି ଯାଇ ଏହି ଅଘଟଣ ଘଟିଛି । ଧାମନଗର ପୁଲିସ୍‌ ଘଟଣାର ତଦନ୍ତ ଆରମ୍ଭ କରିଛି।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।