ଯୁବତୀଙ୍କୁ ପିଟିଲା ପୋଲିସ, ଭାଇରାଲ ହେଲା ଭିଡିଓ !

<p>ଭୁବନେଶ୍ୱର(ଓଡିଶା ରିପୋର୍ଟର): କାନ୍ଧ, ଜଙ୍ଘ, ଛାତି ଆଉ ପିଠିରେ ସାଂଘାତିକ ମାଡ଼ର ଦାଗ। ଦାଗ ନୁହେଁ ତ, ପୋଚ ପଡିଯାଇଛି ଶରୀରର ଏହିସବୁ ଅଂଶ। ଆଉ ଅଭିଯୋଗ ହୋଇଛି ପୋଲିସ କୁଆଡେ ମାଡ଼ ମାରି ଏମିତି ଅବସ୍ଥା କରିଛି। ଫେସ୍&zwnj;ବୁକ୍&zwnj;ରେ ବୁଲୁଛି ଏମିତି ଭାଇରାଲ ଭିଡିଓ ଓ ଫଟୋ। କିଛି ଯୁବତୀଙ୍କୁ ନୟାପଲ୍ଲୀ ଥାନା ପୋଲିସ ଏମିତି ମାଡ଼ ମାରିଥିବା ଅଭିଯୋଗ କରିଛନ୍ତି ଅଭିଯୁକ୍ତ ଯୁବତୀ। ସେମାନେ ଏ ସଂପର୍କରେ ଫେସ୍&zwnj;ବୁକ୍&zwnj;ରେ ଲେଖିବା ସହିତ ଫଟୋ ଓ ଭିଡିଓ ପୋଷ୍ଟ କରିବା ପରେ ପୂରା ଖବର ପଦାକୁ ଆସିଛି।</p> <p>&lt;a href=&quot;&quot;&gt;(image) &lt;/a&gt;<br /> ଏଣେ ନୟାପଲ୍ଲୀ ପୋଲିସ ଘଟଣାକୁ ସମ୍ପୁର୍ଣ୍ଣ ମିଛ ଓ ଭିତ୍ତିହୀନ ବୋଲି କହିଛି। ପୋଲିସ ସୂତ୍ରରୁ ମିଳିଥିବା ଖବର ଅନୁୟାୟୀ, ଏହି ଯୁବତୀମାନଙ୍କ ପରିବାର ଜମିବାଡ଼ି ବିବାଦରେ ଫଶିଥିଲେ। କଥା ଥାନାରେ ପହଞ୍ଚିବା ପରେ ପୋଲିସ ଆଇନ୍ ଶୃଙ୍ଖଳା ପରିସ୍ଥିତି ତନଖି କରିବାକୁ ଘଟଣାସ୍ଥଳରେ ପହଞ୍ଚିଥିଲା। ହେଲେ ସେହିଠାରେ ପୋଲିସ କାର୍ଯ୍ୟରେ ବାଧା ଦେଇଥିଲେ ଏହି ଯୁବତୀମାନେ। ଆଉ ପୋଲିସକୁ ପାଲଟା ମାଡ଼ ମାରି ଲହୁଲୁହାଣ କରିଥିଲେ ବୋଲି ପୋଲିସ ଅଭିଯୋଗ କରିଛି।<br /> ପୂର୍ବରୁ ପୋଲିସ ଏହି ଘଟଣାରେ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିଲା। ଏବେ ଜାମିନରେ ଆସିଥିବା ଉକ୍ତ ଯୁବତୀଙ୍କ ଦେହରେ ମାଡ଼ ଦାଗର ଭିଡିଓ ଭାଇରାଲ ହୋଇଛି।</p> <p>ଏହି ଘଟଣାରେ ପୋଲିସ କମିଶନର ଓ୍ୱାଇ.ବି.ଖୁରାନିଆ ଓ ଡିଜି ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି, ଘଟଣାର ତଦନ୍ତ ହେବ, ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ।</p> <p>https://www.youtube.com/watch?v=FFhVgRjHS2Q</p>