ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଜଗତସିଂହପୁର (ଓଡ଼ିଶଶ ରିପୋର୍ଟର): ପ୍ରଥମେ ପ୍ରେମ, ପରେ ଶାରିରୀକ ସମ୍ପର୍କ। ଏହାପରେ ଗର୍ଭଧାରଣ। କେହି କିଛି ବୁଝିବା ପୂର୍ବରୁ ନିଖୋଜ ହୋଇଗଲେ ଅବିବାହିତା ଗର୍ଭବତୀ ଝିଅ। ନିଖୋଜ କିଛିଦିନ ପରେ ଜଙ୍ଗଲ ଭିତରୁ ମିଳିଲା ମୃତଦେହ। ତାହା ପୁଣି ଅଖାରେ ବନ୍ଧା ଅବସ୍ଥାରେ। ଏପରି ଘଟଣା ଘଟିଛି ଜଗତସିଂପୁର ଜିଲ୍ଲା ରଘୁନାଥପୁର ଥାନା ଅଞ୍ଚଳରେ। ଏହି ରହସ୍ୟଜନକ ଘଟଣାକୁ ନେଇ ଚାଞ୍ଚଲ୍ୟ ଖେଳିଯାଇଥିବାବେଳେ ଛିଡା ହୋଇ ଅନେକ ପ୍ରଶ୍ନ। ସଂପୃକ୍ତ ଯୁବତୀଙ୍କୁ ହତ୍ୟା କଲା କିଏ ? ହନରକିଲିଂ ନା ଗର୍ଭପାତରୁ ମୃତ୍ୟୁ, ସେନେଇ ପୋଲିସ ଖୋଳତାଡ଼ ଜାରି ରଖିଛି।</p> <p>ଗତ ୩ ଦିନ ତଳେ ଜଗତସିଂପୁର ଜିଲ୍ଲା ରଘୁନାଥପୁର ଥାନା ଅଞ୍ଚଳରେ ଏହି ଘଟଣାକୁ ନେଇ ଖେଳିଯାଇଥିଲା ଚାଞ୍ଚଲ୍ୟ। ହେଲେ କିଏ, କାହିଁକି ଏବଂ କିଭଳି ଭାବେ ହତ୍ୟା କରିଛି ଏହି ଯୁବତୀଙ୍କୁ ? କେହି କିଛି ଟେର୍ ପାଇ ନଥିବା ବେଳେ ଆଜି ସାମ୍ନାକୁ ଆସିଛି ଘଟଣା ପଛର ରହସ୍ୟ। ମୃତ ଯୁବତୀ ହେଉଛନ୍ତି, କୁଜଙ୍ଗ ଥାନା ଅଲୋଳିପାଟଣାର ଅଜୟ ସୁତାରଙ୍କ ଝିଅ ଚିକୁ। ମିଳିଥିବା ସୂଚନା ଅନୁଯାୟୀ, ଅବିବାହିତା ଚିକୁ ଥିଲେ ୭ ମାସର ଗର୍ଭବତୀ। ଗତ ୧୧ ତାରିଖରୁ ନିଖୋଜ ହୋଇଯାଇଥିଲେ। ପୋଲିସର ଖୋଜାଖୋଜି ଭିତରେ ରହସ୍ୟଜନକ ଭାବେ ଗତ ୧୩ ତାରିଖରେ ଚିକୁଙ୍କ ମୃତଦେହ ମିଳିଥିଲା ଧଳତଙ୍ଗଗଡ଼ ଜଙ୍ଗଲ ଭିତରୁ।</p> <p>ମୃତା ଯୁବତୀଙ୍କ ବାପାଙ୍କ କହିବା ଅନୁଯାୟୀ, ଜଗତସିଂପୁର ସ୍ଥିତ ନର୍ସିଂହୋମକୁ ଯାଇଥିଲା ତାଙ୍କ ଝିଅ। ନର୍ସିଂହୋମ ଯାଇଥିବା ଯୁବତୀ ଜଙ୍ଗଳକୁ କେମିତି ଗଲେ ? ତାଙ୍କୁ ଜଙ୍ଗଲକୁ ନେଲା କିଏ ? ଜଙ୍ଗଲକୁ ନେବା ପରେ ତାଙ୍କୁ ହତ୍ୟା କରାଯାଇଥିଲା ନା ଅନ୍ୟ କେଉଁଠି ହତ୍ୟା କରାଯିବା ପରେ ତାଙ୍କୁ ବସ୍ତାରେ ବାନ୍ଧି ଜଙ୍ଗଲରେ ଫିଙ୍ଗା ଯାଇଥିଲା ଆଦି ପ୍ରଶ୍ନର ଖିଅ ଖୋଜୁଛି ପୋଲିସ। ଏହାସହ ଅବିବାହିତ ଯୁବତୀ ଗର୍ଭବତୀ ହେବା ପଛରେ କିଏ ରହିଛି ତାହା ମଧ୍ୟ ପ୍ରଶ୍ନ ହୋଇ ଛିଡା ହୋଇଛି। ପୋଲିସ୍‌ ଘଟଣାର ତଦନ୍ତ ଜୋରଦାର କରିଥିବା ବେଳେ ମମତା ନର୍ସିଂହୋମ୍ ଉପରେ ଚଢାଉ କରି ମାଲିକ ଡାକ୍ତର ହାରାମଣି ମହାରଣାଙ୍କ ସହ ୩ କର୍ମଚାରୀ ଏବଂ ସଂପୃକ୍ତ ଯୁବତୀଙ୍କ ବାପା ଅଜୟ ସୂତାରଙ୍କୁ ଅଟକ ରଖି ପଚରାଉଚରା କରୁଛି।</p> <p>ସୂଚନାଯୋଗ୍ୟ, ମମତା ନର୍ସିଂହୋମ୍ ବିରୋଧରେ ଆଗରୁ ମଧ୍ୟ ବେଆଇନ ଗର୍ଭପାତ ନେଇ ସଙ୍ଗୀନ ଅଭିଯୋଗ ଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
