ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମାଟ୍ରିକ୍ ପରୀକ୍ଷାରେ ୬୦ ପ୍ରତିଶତରୁ କମ୍ ପାସ୍ ହାର ଥିବା ସ୍କୁଲ ଶିକ୍ଷକଙ୍କୁ ଏବେ ଘାରିଛି ଦରମା ବନ୍ଦର ଭୟ। ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଏନେଇ ସଂପୃକ୍ତ ସ୍କୁଲଗୁଡ଼ିକୁ କାରଣ ଦର୍ଶାଅ ନୋଟିସ୍ ଜାରି କରାଯିବା ପରେ ଶିକ୍ଷକଙ୍କ ଭିତରେ ଛନକା ପଶିଛି।</p> <p>କାହିଁକି କମିଲା ପାସ୍ ହାର? ଜବାବ ଦିଅ? ବରଗଡ଼ ଜିଲ୍ଲାର ୭ଟି ବ୍ଲକ୍‌ର ସ୍କୁଲ୍ ପ୍ରଧାନଶିକ୍ଷକଙ୍କୁ ଜିଲ୍ଲା ଶିକ୍ଷାଧିକାରୀ ମାଗିଛନ୍ତି ଏପରି କାରଣ ଦର୍ଶାଅ ନୋଟିସ୍। ଖାଲି ବରଗଡ ନୁହେଁ, ରାଜ୍ୟର ଯେଉଁ ସବୁ ସ୍କୁଲରେ ମାଟ୍ରିକ୍ ପରୀକ୍ଷାରେ ୬୦ ପ୍ରତିଶତ ପାସ୍ ହାର ନାହିଁ, ସେସବୁ ସ୍କୁଲର ପ୍ରଧାନଶିକ୍ଷକଙ୍କୁ ଜାରି ହୋଇଛି ଏମିତି ନୋଟିସ୍। କାହିଁକି ପାସ୍ ହାର କମିଲା ? କର୍ତ୍ତବ୍ୟରେ ଅବହେଳା ପାଇଁ କାହିଁକି ଦରମା ବନ୍ଦ କରା ନଯିବ ସେ ନେଇ ଆସନ୍ତା ୧୨ ତାରିଖ ସୁଦ୍ଧା ଜଣାଇବାକୁ ଏଥିରେ ନିର୍ଦ୍ଦେଶ ରହିଛି।</p> <p>ସୂଚନାଯୋଗ୍ୟ, ଚଳିତବର୍ଷ ମାଟ୍ରିକ୍ ପରୀକ୍ଷାରେ ପାସ୍ ହାର ୭୬.୨୩ ପ୍ରତିଶତ ରହିଥିଲା। ଯାହାକି ଗତ ବର୍ଷ ପାସ୍ ହାର ଠାରୁ ପାଖାପାଖି ୯ ପ୍ରତିଶତ କମ୍। ୩୬ଟି ସ୍କୁଲ୍‌ରେ ପାସ୍ ହାର ଶୂନ ରହିଥିଲା। ଏସବୁ ସ୍କୁଲକୁ ମଧ୍ୟ ନୋଟିସ୍ କରାଯାଇଛି।</p> <p>ଅନ୍ୟପଟେ ସରକାରଙ୍କ ଏଭଳି ପଦକ୍ଷେପକୁ ରାଜ୍ୟ ସ୍କୁଲ୍ ଶିକ୍ଷକ ସଂଘ (ଓଷ୍ଟା) ବିରୋଧ କରିଛି। ଏଭଳି ନୋଟିସ୍‌ର କିଛି ମାନେ ନାହିଁ, ଶିକ୍ଷକଙ୍କ ପଦବୀ ପୂରଣ ଦିଗରେ ସରକାର ଧ୍ୟାନ ଦେବା ଉଚିତ ବୋଲି ଶିକ୍ଷାବିତମାନେ ମତ ଦେଇଛନ୍ତି।</p> <p>ହାଇସ୍କୁଲ୍ ଶିକ୍ଷକଙ୍କୁ ସାବାଡ୍ କରିବା ଲାଗି ସ୍କୁଲ୍ ଓ ଗଣଶିକ୍ଷା ବିଭାଗ ସ୍ପଷ୍ଟୀକରଣ ନୋଟିସ୍ ମାଗିଛନ୍ତି। ତେବେ ଏହି ନୋଟିସର ପ୍ରଭାବ ଶିକ୍ଷାର ମାନ ବୃଦ୍ଧି କରୁଛି ନା ବୁମେରାଂ ହେଉଛି ତାହା ଆଗକୁ ଜଣାପଡ଼ିବ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
