ଗୁରୁ ଦିବସ, ଗାନ୍ଧିମାର୍ଗ ଓ ପଲିଥିନ୍‌ ତଳେ ଗୁରୁ

ଦିନ ପରେ ରାତି: ହରତାଳ, ହୋହାଲ୍ଲାର ଶବ୍ଦରେ କେହି ଯେମିତି ଭୁଲି ଯାଇଛି ଯେ ଆଜି 'ଗୁରୁ ଦିବସ'

ଭୁବନେଶ୍ୱର(ବିଶ୍ୱବନ୍ଦିତା ସ୍ୱାଇଁ):  ଦିନ ପରେ ରାତି। ହରତାଳ, ହୋହାଲ୍ଲାର ଶବ୍ଦରେ କେହି ଯେମିତି ଭୁଲି ଯାଇଛି ଯେ ଆଜି ଗୁରୁ ଦିବସ। ଗୁରୁଙ୍କ ପାଇଁ ଉତ୍ସର୍ଗ ଏହି ଦିନଟି। ହେଲେ ପିଲାମାନଙ୍କୁ ଆଶୀର୍ବାଦର ହାତ ବଢ଼େଇ ଦେଉଥିବା ଗୁରୁମାନେ ଆଜି ହାତଟେକି ବସିଛନ୍ତି ରାସ୍ତାରେ। ଇଚ୍ଛା, ସରକାର ତାଙ୍କ ଦାବି ପୂରଣ କରିବେ।

କେଉଁଠି ନା କେଉଁଠି କଲମଟିଏ ଧରି ଆଜି ଶିଷ୍ୟ ଅପେକ୍ଷା କରିଥିବ ଏହି ଗୁରୁମାନଙ୍କୁ। ଗୁରୁ ଆସିଲେ ତାଙ୍କଠୁ ଆଶିର୍ବାଦ ନେବ। ହେଲେ ଗୁରୁ-ଶିଷ୍ୟର ଏହି ପବିତ୍ର ଦିନ ଯେମିତି ଏବର୍ଷ ଅସଂପୂର୍ଣ୍ଣ ହୋଇ ରହିଯାଇଛି।

୨୧ ଦିନ ଧରି ଭୁବନେଶ୍ୱରର ଗାନ୍ଧିମାର୍ଗରେ ବସିଛନ୍ତି ଗୁରୁମାନେ। ଗୁରୁ ଦିବସରେ ବି ସେମାନେ ଭୁଲିବାକୁ ବାଧ୍ୟ ହୋଇଛନ୍ତି ସେମାନଙ୍କ ପ୍ରିୟ ଶିଷ୍ୟଙ୍କୁ। ସେଇଠି ରାସ୍ତାରେ ଥାଇ ଶିଷ୍ୟମାନଙ୍କୁ ସେମାନେ ବଢ଼ାଇ ଦେଇଛନ୍ତି ଆଶିର୍ବାଦର ହାତ।

କାରଣ ଦାବି ପୂରଣ ହୋଇନଥିବାରୁ ଆନ୍ଦୋଳନ ସ୍ଥଳୀ ଛାଡ଼ିବା ସେମାନଙ୍କ ପକ୍ଷରେ ସମ୍ଭବ ନୁହେଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।