ବିଧାନସଭା ଗୃହ କମିଟିକୁ ସଦସ୍ୟଙ୍କ ବେଖାତିର: ବୈଠକକୁ ନିୟମିତ ଆସୁନାହାନ୍ତି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିଧାନସଭା ଗୃହ କମିଟିକୁ ସଦସ୍ୟଙ୍କ ବେଖାତିର। ଗୁରତ୍ୱପୂର୍ଣ୍ଣ ପ୍ରସଙ୍ଗରେ ସରକାର ଗୃହ କମିଟି ଗଠନ କରିଥିଲେ ମଧ୍ୟ ଏହା ନିୟମିତ ବ୍ୟବଧାନରେ ବସୁନାହିଁ। ଯଦି ବା କେତେବେଳେ କେମିତି ବସୁଛି ସଦସ୍ୟ ଆସୁନାହାଁନ୍ତି। ଆଜି ବିଜୁଳି ଉତ୍ପାଦନ ଓ ସୀମା ବିବାଦ ଭଳି ଦୁଇଟି ଗୁରତ୍ୱପୂର୍ଣ୍ଣ ପ୍ରସଙ୍ଗରେ ଗୃହ କମିଟିର ବୈଠକ ଥିଲେ ମଧ୍ୟ ଆସି ନଥିଲେ ଖୋଦ ରାଜସ୍ୱ ଓ ଶକ୍ତି ମନ୍ତ୍ରୀଙ୍କ ସହ&nbsp; ଅଧାରୁ ଅଧିକ ସଦସ୍ୟ। ଫଳରେ ବିନା ନିଷ୍ପତ୍ତିରେ ମାତ୍ର ୧୦ ମିନିଟରେ ସରିଯାଇଥିଲା ସୀମା ବିବାଦ ସଂପର୍କିତ ଗୃହ କମିଟି ବୈଠକ।</p> <p>ଆନ୍ଧ୍ରପ୍ରଦେଶର ଲୋଲୁପ ଦୃଷ୍ଟିରେ କୋରାପୁଟ ଜିଲ୍ଲା କୋଟିଆ। ସୀମାର ଏହି ଗାଁକୁ ନିଜ ଅଧିନରେ ରଖିବାକୁ ଢେର ବର୍ଷ ହେଲା ଲୋକଙ୍କୁ ପ୍ରଲୋଭିତ କରୁଛନ୍ତି ଆନ୍ଧ୍ର ସରକାର। କୋଟିଆ ପରି ସୀମାର ୯୬ ଟି ଗାଁକୁ ନେଇ ପଡୋଶୀ ଆନ୍ଧ୍ର, ପଶ୍ଚିମବଙ୍ଗ, ଝାଡଖଣ୍ଡ ଓ ଛତିଶଗଡ଼ ସହ ଓଡିଶାର ବିବାଦ ଲାଗିରହିଛି। ଏସବୁ ବିବାଦର ସମାଧାନ ପାଇଁ ସରକାର ଗୃହ କମଟି ଗଠନ କରିଛନ୍ତି। କିନ୍ତୁ ବିଡମ୍ବନା ବିଷୟ ଏହାର ବୈଠକ ନିୟମିତ ବସୁନି। ସୀମା ବିବାଦ ସଂପର୍କିତ ଗୃହକମିଟି ଗତ ତିନିବର୍ଷରେ ମାତ୍ର ତିନିଥର ବସିଛି। ଚଳିତବର୍ଷ କୋଟିଆ ବିବାଦ ତୀବ୍ର ରୂପ ନେବା ପରେ ବି କମିଟି ବୈଠକ ବସିନଥିଲା। ଆଜି ଡକାଯାଇଥିବା ବୈଠକକୁ ୩୩ ସଦସ୍ୟଙ୍କ ଭିତରୁ ମାତ୍ର ୧୨ ଜଣ ଆସିଥିଲେ। ଖୋଦ ରାଜସ୍ୱ ମନ୍ତ୍ରୀ ଆସିନଥିଲେ। ନିଷ୍ପତ୍ତି ହେଲା ପରବର୍ତ୍ତୀ ବୈଠକକୁ ବିବାଦୀୟ ସୀମାର ଜିଲ୍ଲାର ଜିଲ୍ଲାପାଳ ଓ ଆରଡିସିମାନଙ୍କୁ ଡକାଯିବ।</p> <p>ମହାନଦୀ, ପୋଲାଭରମ ଓ ଏମ୍&zwnj;ଏସ୍&zwnj;ପି ପରି ଗୁରୁତ୍ୱ ପୂର୍ଣ୍ଣ ପ୍ରସଙ୍ଗରେ ବିଧାନସଭାର ଗୃହ କମଟି ଗଠନ ହୋଇଛି। ୬ ଟି ଗୃହ କମିଟିରେ ତ ଖୋଦ ବାଚସ୍ପତି ଅଧ୍ୟକ୍ଷ ଅଛନ୍ତି। ଶକ୍ତି ସଙ୍କଟକୁ ଦେଖି ସରକାର ମଧ୍ୟ ଏକ ଗୃହ କମିଟି କରିଛନ୍ତି। ଶକ୍ତିମନ୍ତ୍ରୀଙ୍କ ସହ ୪୨ ବିଧାୟକ ଏହାର ସଦସ୍ୟ ଅଛନ୍ତି। ତେବେ ଆଜି ବାଚସ୍ପତି ଡାକିଥିବା ଏହି ବୈଠକକୁ ମାତ୍ର ୧୪ ଜଣ ବିଧାୟକ ଆସିଥିଲେ। ଶକ୍ତି ମନ୍ତ୍ରୀ ଆସି ନଥିବାରୁ ଉଦ୍&zwnj;ବେଗ ପ୍ରକାଶ କରିଥିଲେ ବାଚସ୍ପତି। ୨୦୧୭ ମେ&rsquo; ୬ରେ ଡାକାଯାଇଥିବା ବୈଠକକୁ କୋରମ ଅଭାବରୁ ବାତିଲ କରାଯାଇଥିଲା। ଏବେ ଅଘୋଷିତ ବିଦ୍ୟୁତ କାଟକୁ ନେଇ ଲୋକ ହୀନସ୍ତା ହେଉଥିବା ବେଳେ ବୈଠକକୁ ବିଧାୟକ ନ ଆସିବାକୁ ନେଇ ସରକାରଙ୍କୁ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ନରସିଂହ ମିଶ୍ର।</p>

Ordigital Desk
  • Published: Friday, 22 June 2018
  • Updated: 22 June 2018, 08:12 PM IST
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିଧାନସଭା ଗୃହ କମିଟିକୁ ସଦସ୍ୟଙ୍କ ବେଖାତିର। ଗୁରତ୍ୱପୂର୍ଣ୍ଣ ପ୍ରସଙ୍ଗରେ ସରକାର ଗୃହ କମିଟି ଗଠନ କରିଥିଲେ ମଧ୍ୟ ଏହା ନିୟମିତ ବ୍ୟବଧାନରେ ବସୁନାହିଁ। ଯଦି ବା କେତେବେଳେ କେମିତି ବସୁଛି ସଦସ୍ୟ ଆସୁନାହାଁନ୍ତି। ଆଜି ବିଜୁଳି ଉତ୍ପାଦନ ଓ ସୀମା ବିବାଦ ଭଳି ଦୁଇଟି ଗୁରତ୍ୱପୂର୍ଣ୍ଣ ପ୍ରସଙ୍ଗରେ ଗୃହ କମିଟିର ବୈଠକ ଥିଲେ ମଧ୍ୟ ଆସି ନଥିଲେ ଖୋଦ ରାଜସ୍ୱ ଓ ଶକ୍ତି ମନ୍ତ୍ରୀଙ୍କ ସହ&nbsp; ଅଧାରୁ ଅଧିକ ସଦସ୍ୟ। ଫଳରେ ବିନା ନିଷ୍ପତ୍ତିରେ ମାତ୍ର ୧୦ ମିନିଟରେ ସରିଯାଇଥିଲା ସୀମା ବିବାଦ ସଂପର୍କିତ ଗୃହ କମିଟି ବୈଠକ।</p><p>ଆନ୍ଧ୍ରପ୍ରଦେଶର ଲୋଲୁପ ଦୃଷ୍ଟିରେ କୋରାପୁଟ ଜିଲ୍ଲା କୋଟିଆ। ସୀମାର ଏହି ଗାଁକୁ ନିଜ ଅଧିନରେ ରଖିବାକୁ ଢେର ବର୍ଷ ହେଲା ଲୋକଙ୍କୁ ପ୍ରଲୋଭିତ କରୁଛନ୍ତି ଆନ୍ଧ୍ର ସରକାର। କୋଟିଆ ପରି ସୀମାର ୯୬ ଟି ଗାଁକୁ ନେଇ ପଡୋଶୀ ଆନ୍ଧ୍ର, ପଶ୍ଚିମବଙ୍ଗ, ଝାଡଖଣ୍ଡ ଓ ଛତିଶଗଡ଼ ସହ ଓଡିଶାର ବିବାଦ ଲାଗିରହିଛି। ଏସବୁ ବିବାଦର ସମାଧାନ ପାଇଁ ସରକାର ଗୃହ କମଟି ଗଠନ କରିଛନ୍ତି। କିନ୍ତୁ ବିଡମ୍ବନା ବିଷୟ ଏହାର ବୈଠକ ନିୟମିତ ବସୁନି। ସୀମା ବିବାଦ ସଂପର୍କିତ ଗୃହକମିଟି ଗତ ତିନିବର୍ଷରେ ମାତ୍ର ତିନିଥର ବସିଛି। ଚଳିତବର୍ଷ କୋଟିଆ ବିବାଦ ତୀବ୍ର ରୂପ ନେବା ପରେ ବି କମିଟି ବୈଠକ ବସିନଥିଲା। ଆଜି ଡକାଯାଇଥିବା ବୈଠକକୁ ୩୩ ସଦସ୍ୟଙ୍କ ଭିତରୁ ମାତ୍ର ୧୨ ଜଣ ଆସିଥିଲେ। ଖୋଦ ରାଜସ୍ୱ ମନ୍ତ୍ରୀ ଆସିନଥିଲେ। ନିଷ୍ପତ୍ତି ହେଲା ପରବର୍ତ୍ତୀ ବୈଠକକୁ ବିବାଦୀୟ ସୀମାର ଜିଲ୍ଲାର ଜିଲ୍ଲାପାଳ ଓ ଆରଡିସିମାନଙ୍କୁ ଡକାଯିବ।</p><p>ମହାନଦୀ, ପୋଲାଭରମ ଓ ଏମ୍&zwnj;ଏସ୍&zwnj;ପି ପରି ଗୁରୁତ୍ୱ ପୂର୍ଣ୍ଣ ପ୍ରସଙ୍ଗରେ ବିଧାନସଭାର ଗୃହ କମଟି ଗଠନ ହୋଇଛି। ୬ ଟି ଗୃହ କମିଟିରେ ତ ଖୋଦ ବାଚସ୍ପତି ଅଧ୍ୟକ୍ଷ ଅଛନ୍ତି। ଶକ୍ତି ସଙ୍କଟକୁ ଦେଖି ସରକାର ମଧ୍ୟ ଏକ ଗୃହ କମିଟି କରିଛନ୍ତି। ଶକ୍ତିମନ୍ତ୍ରୀଙ୍କ ସହ ୪୨ ବିଧାୟକ ଏହାର ସଦସ୍ୟ ଅଛନ୍ତି। ତେବେ ଆଜି ବାଚସ୍ପତି ଡାକିଥିବା ଏହି ବୈଠକକୁ ମାତ୍ର ୧୪ ଜଣ ବିଧାୟକ ଆସିଥିଲେ। ଶକ୍ତି ମନ୍ତ୍ରୀ ଆସି ନଥିବାରୁ ଉଦ୍&zwnj;ବେଗ ପ୍ରକାଶ କରିଥିଲେ ବାଚସ୍ପତି। ୨୦୧୭ ମେ&rsquo; ୬ରେ ଡାକାଯାଇଥିବା ବୈଠକକୁ କୋରମ ଅଭାବରୁ ବାତିଲ କରାଯାଇଥିଲା। ଏବେ ଅଘୋଷିତ ବିଦ୍ୟୁତ କାଟକୁ ନେଇ ଲୋକ ହୀନସ୍ତା ହେଉଥିବା ବେଳେ ବୈଠକକୁ ବିଧାୟକ ନ ଆସିବାକୁ ନେଇ ସରକାରଙ୍କୁ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ନରସିଂହ ମିଶ୍ର।</p>

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos