ଭୁବନେଶ୍ୱର( ଓଡ଼ିଶା ରିପୋର୍ଟର): ଭୁବନେଶ୍ୱର ଆଇଆରସି ଭିଲେଜ ଅଞ୍ଚଳରୁ ଆଜି ସକାଳେ ଏକ ଡଷ୍ଟବିନ୍ ଜରିରୁ ମଣିଷ ଖପୁରୀ ଓ ହାଡ଼ ଜବତ ହୋଇଛି । ଏହି ଘଟଣା ରାଜଧାନୀରେ ଚାଞ୍ଚଲ୍ୟ ସୃଷ୍ଟି କରିଛି।
ସଫେଇ କର୍ମଚାରୀମାନେ ସକାଳେ ସଫା କରିବାବେଳେ ଏହା ଦେଖି ପୁଲିସ୍କୁ ଖବର ଦେଇଥିଲେ । ଏକ ଡଷ୍ଟବିନ୍ ଜରିରେ ହାଡ଼, କଙ୍କାଳ ଓ ଖପୁରୀ ପଡ଼ିଥିଲା। ପୁଲିସ୍ ପହଞ୍ଚି ତାହା ଜବତ କରିଛି । ଏହି ଖପୁରି ଓ ହାଡ଼ କାହାର, କେଉଁ ପରିସ୍ଥିତିରେ ଓ କିପରି ସେଠାରେ ପହଞ୍ଚିଲା ପୁଲିସ୍ ତାହାର ତଦନ୍ତ କରୁଛି । ନିକଟରେ ଏକ ହସ୍ପିଟାଲ ଥିବାରୁ ସେ ଦିଗ ପ୍ରତି ବି ଧ୍ୟାନ ଦିଆଯିବ ବୋଲି ପୁଲିସ୍ କହିଛି। ଅପରପକ୍ଷେ ଏହି ହାଡ଼, କଙ୍କାଳ ବହୁତ ପୁରୁଣା ବୋଲି ଆଲୋଚନା ହେଉଛି।