ନୀଳଗିରି(ଓଡ଼ିଶା ରିପୋର୍ଟର):ପାରବାରିକ କଳହକୁ ନେଇ ବାଲେଶ୍ୱର ଜିଲ୍ଲା ନୀଳଗିରି ବ୍ଲକ ବରହମପୁର ଥାନା କଳାକାଦ ଗାଁର ଜଣେ ଯୁବକ ଗୁରୁତର ହୋଇଛନ୍ତି। ତାଙ୍କୁ ବାଲେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତ ଯୁବକଙ୍କ ନାମ ମୁକ୍ତିକାନ୍ତ ସ। ଶ୍ୱଶୁର ଘର ଲୋକଙ୍କ ଆକ୍ରମଣରେ ତାଙ୍କର ଏପରି ଅବସ୍ଥା ହୋଇଥିବା ପୁଲିସ ପ୍ରାଥମିକ ତଦନ୍ତରୁ ଜଣାପଡ଼ିଛି।
ଅଭିଯୋଗ ଅନୁଯାୟୀ, ଗତକାଲି କଳାକାଦ ଗାଁର ମୁକ୍ତିକାନ୍ତ ଘରେ ଥିବାବେଳେ ହଠାତ୍ ତାଙ୍କ ଶ୍ୱଶୁର ଘର ଲୋକ ଏବଂ ପତ୍ନୀ ପହଞ୍ଚି ଥିଲେ। ସମସ୍ତେ ମିଶି ତାଙ୍କୁ ନିସ୍ତୁକ ପିଟିଥିଲେ। ଆହତ ମୁକ୍ତିକାନ୍ତଙ୍କୁ ପ୍ରଥମେ ନୀଳଗିରି ଏବଂ ପରେ ବାଲେଶ୍ୱର ମେଡିକାଲ ସ୍ଥାନାନ୍ତର କରାଯାଇଛି।
ଏନେଇ ବରହମପୁର ଥାନାରେ ଅଭିଯୋଗ ପରେ ଶ୍ୱଶୁର, ଶାଶୂ, ଶଳା ଓ ସ୍ତ୍ରୀଙ୍କୁ ବରହମପୁର ପୋଲିସ ଅଟକ ରଖି ପଚରା ଉଚରା କରୁଛି । ପାରିବାରିକ କଳହ କାରଣରୁ ଏପରି ଆକ୍ରମଣ ହୋଇଥିବା ସନ୍ଦେହ କରାଯାଉଛି।