ଭୁବନେଶ୍ୱର: ରାଜ୍ୟ ଆଇଏଫଏସ ସ୍ତରରେ ବୁଧବାର ଅଦଳବଦଳ ହୋଇଛି । ବଦଳିଛନ୍ତି ୧୧ ଭାରତୀୟ ଜଙ୍ଗଲ ସେବା ଅଧିକାରୀ। ୧୯୮୨ ବ୍ୟାଚର ବରିଷ୍ଠ ଅଧିକାରୀ କେ. ଆର. ସିଂଙ୍କୁ ଷ୍ଟେଟ ଫରେଷ୍ଟ ହେଡ କ୍ୱାର୍ଟର ଅତିରିକ୍ତ ପିସିସିଏଫ ଦାୟିତ୍ୱ ଦିଆଯାଇଛି। ସେହିପରି ଅଜୟ କୁମାର ମହାପାତ୍ର ଓଡିଶା ଜଙ୍ଗଲ ଉନ୍ନୟନ କର୍ପୋରେନର ନୂଆ ନିଦ୍ଦେର୍ଶକ ହୋଇଛନ୍ତି । ୧୯୮୪ ବ୍ୟାଚର ଏସ୍. କେ. ସିହ୍ନାଙ୍କୁ ସିସିଏଫ, କେନ୍ଦୁପତ୍ର ଓ ଏମ୍ ସତ୍ୟନାରାୟଣଙ୍କୁ ଅତିରିକ୍ତ ପିସିସିଏଫ ଭାବେ ପଦୋନ୍ନୋତି ମିଳିଛି। ୧୯୮୬ ବ୍ୟାଚର ଅଫିସର ଏସ୍. ପି. ମହାପାତ୍ର ସାଧାରଣ ବିଭାଗର ସ୍ୱତନ୍ତ୍ର ଦାୟତ୍ୱରେ ରହିବେ ଓ ସେହି ବ୍ୟାଚର ଅନ୍ୟଜଣେ ଅଧିକାରୀ ଏମ୍. ମାଲୋଥ କୋରାପୁଟର ନୂଆ ଆରଇଏଫ ହେବେ । ଚିଲିକା ଉନ୍ନୟନ କର୍ତ୍ତୃପକ୍ଷର ଅତିରିକ୍ତ କାର୍ଯ୍ୟନିର୍ବାହୀ ଭାବେ ୧୯୯୪ ବ୍ୟାଚର କେ. ମୁରୁଗେସନ ଓ ନିଯୁକ୍ତି ମିଶନର ନିଦ୍ଦେର୍ଶକ ଭାବେ ୨୦୦୧ ବ୍ୟାଚର ଅଫିସର ଜି. ରାଜେଶଙ୍କୁ ଅବସ୍ଥାପିତ କରାଯାଇଛି। କୋରାପୁଟ, ଆଠମଲ୍ଲିକ ଓ ସୁନାବେଢା ବନଖଣ୍ଡ ଡିଏଫଓ ଭାବେ ପି.ଅର୍ଥନାରୀ, କେ. ଏସ୍. ପ୍ରଦୀପ ଓ ଭି. ନୀଲଭରଙ୍କୁ ନିଯୁକ୍ତି ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
