ସଜା ନୁହଁ ମଜା ନେଉଛନ୍ତି କଏଦୀ: ସ୍ମାର୍ଟ ସିଟିର ନୂଆ ପର୍ଯ୍ୟଟନସ୍ଥଳୀ ଝାରପଡ଼ା ଜେଲ, ଦେଖନ୍ତୁ ଭିଡିଓ

ଭୁବନେଶ୍ୱର :(ଓଡ଼ିଶା ରିପୋର୍ଟର): ଜେଲରେ ପିକ୍‌ନିକ୍‌। ସଜା ନୁହଁ ମଜା ନେଉଛନ୍ତି କଏଦୀ। ଜେଲ ଭିତରକୁ ଯାଉଛି  ଯାବତୀୟ ସାମଗ୍ରୀ।  ଡ୍ରାୟ ଫୁଡ ନାମରେ ଜେଲ ଭିତରକୁ ଏମିତି କାରବାର ହେଉଛି। କଏଦୀଙ୍କ ସମ୍ପର୍କୀୟ ଆଣୁଛନ୍ତି ପୋଡ଼ିଆ।  ଭୁବନେଶ୍ୱର ଝାରପଡା ଜେଲ ଭିତରକୁ ଯାଉଛି ପନି ପରିବା ପୁଡ଼ିଆ ।  ଜେଲ ଭିତଚରେ କଏଦୀଙ୍କ ପାଇଁ  ସରକାରଙ୍କ ପକ୍ଷରୁ ସମସ୍ତ ବ୍ୟବସ୍ଥା ଥିବା ବେଳେ ଟମାଟୋ, କାକୁ଼ଡି ଓ ପିଆଜ ପୁଡ଼ିଆ ଭିତରକୁ ଯିବା ନେଇ ସନ୍ଦେହ ସୃଷ୍ଟି କରିଛି।  ତେବେ କଡା ଯାଞ୍ଚ କରାଯାଇ  ଏସବୁ  ଭିତରୁକୁ ଯାଉଥିବା କର୍ତ୍ତୃପକ୍ଷ କହୁଛନ୍ତି। ହେଲେ   ଝାରପଡା ଜେଲ ପରିସରର  ବିଚାରାଧୀନ  କିମ୍ବା କଏଦୀଙ୍କୁ  ଦେଖିବାକୁ ଆସୁଥିବା ସମ୍ପର୍କୀୟ ଓ ପରିବାର ଲୋକଙ୍କ ହାତରେ ଦେଖିବାକୁ ମିଳୁଛି  ପରିବା ପୁଡିଆ।   ଖାଦ୍ୟ ପୁଡିଆ ସହ  ପରିବା ପୁଡିଆ ବି ନେଇ ଆସୁଛନ୍ତି ଆଗନ୍ତୁକ।  ଯାହାକୁ ଜେଲ ଭିତରକୁ  ଛଡାଯାଉଛି।   ଜେଲରେ ମଧ୍ୟାହ୍ନ ଓ ରାତ୍ର ଭୋଜନ ସାଙ୍ଗକୁ ସକାଳେ ଟିଫିନ ମଧ୍ୟ ଦିଆଯାଉଛି।

ଏମିତିକି ଜେଲ ଭିତରେ କ୍ୟାଣ୍ଟିନ ବ୍ୟବସ୍ଥା ରହିଛି ।  ଏସବୁ ସତ୍ତ୍ୱେ ତା’ ଭିତରକୁ ପରିବା ପୁଡ଼ିଆ ଯିବା ଏବଂ ସେଥିରେ ଅନେକ କିଛି କାରବାର ହେଉଥିବା ନେଇ ସନ୍ଦେହ ଉପୁଜିଛି। ପୁଡ଼ିଆ ଭିତରେ ଟଙ୍କା ବି  ରହୁଛି ।  ପରିବା ପୋଡିଆ  ଯିବା ପାଇଁ ସ୍ୱତନ୍ତ୍ର ଭାବେ  ରେଜିଷ୍ଟର ରହୁଛି।   ଜେଲ କର୍ମଚାରୀ ଏସବୁକୁ  ସଂଗ୍ରହ କରୁଛନ୍ତି।   ତା’ପରେ କେଉଁ  କଏଦୀ  କିମ୍ବା ବିଚାରାଧୀନ କଏଦୀଙ୍କ  ପାଖକୁ ପୁଡ଼ିଆ ଯିବ, ତା’ର ଟୋକୋନ  ମଧ୍ୟ ପୁଡ଼ିଆରେ ରଖାଯାଉଛି।

ଜେଲ କର୍ତ୍ତୃପକ୍ଷ କହୁଛନ୍ତି, ଡ୍ରାଏ ଫୁଡ  ହେଉ କି  ପରିବା ପୁଡ଼ିଆ ସବୁ କଡାକଡି ଯାଞ୍ଚ ହେଉଛି।   ନିକଟରେ  ଭୁବନେଶ୍ୱର ଝାରପଡା ଜେଲ ଭିତରୁ  ଧଳସାମନ୍ତ ବଦର୍ସଙ୍କ ନିର୍ଦ୍ଦେଶେରେ ହତ୍ୟା ଧମକ ଭଳି ଷଡଯନ୍ତ୍ର ପ୍ରସ୍ତୁତ ନେଇ ଯୋଜନା ହୋଇଥିଲା ।  ଯାହାର ପର୍ଦାଫାସ କରିଥିଲା ପୋଲିସ ।  ତେବେ ପୂର୍ବତନ  ଡିଜିଙ୍କ ମତରେ  କଡାକଡି ଯାଞ୍ଚ ହେବା ଉଚିତ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।