ରାତି ୧୨ ବାଜିଲେ ବନ୍ଧା ହେଉଛି ଛଡ଼, ଢଳା ହେଉଛି କଂକ୍ରିଟ୍‌

<p>ଭୁବନେଶ୍ୱର(ଓଡିଶା ରିପୋର୍ଟର): କଳା ତାଲିକାଭୁକ୍ତ ହେବା ପରେ ବି ଠିକାସଂସ୍ଥା ପଣ୍ଡା ଇନ୍&zwnj;ଫ୍ରାର ଡ଼ର ନାହିଁ। ସରାକାରୀ ନାଲିଆଖିକୁ ଫୁ କରି କାମ କରୁଛି ସଂସ୍ଥା। ଦିନବେଳେ ନ ହେଲା ନାଇଁ ରାତି ଅଧିଆ ଚାଲୁଛି କାମ। ରାତି ୧୨ ବାଜିଲେ ଜଳୁଛି ହାଲୋଜିନ୍&zwnj;, ଗଡୁଛି ଜେସିବି। କେଉଁଠି କଂକ୍ରିଟ୍&zwnj; ଢଳେଇ ପଡୁଛି ତ ପୁଣି କେଉଁଠି ଲୁହାଛଡ ବନ୍ଧା ହେଉଛି। ଏ ସବୁ ଚିତ୍ର ହେଉଛି ଜଟଣୀର । ଏଠାରେ ଫ୍ଲାଏ ଓଭର ବ୍ରିଜ୍&zwnj; ନିର୍ମାଣ ହେଉଛି ରାତିଅଧିଆ। ସବୁ ଚାଲିଛି ବେଧଡକ୍&zwnj;। ଯେମିତି କିଛି ହୋଇନି। ଖାଲି ସରକାରୀ ନାଲି ଆଖି ନୁହେଁ ସ୍ଥାନୀୟ ବ୍ୟବସାୟୀ ସଂଘର ଆନ୍ଦୋଳନ ଆଉ ଭାଜପା ନଗର ମଣ୍ଡଳର ରିଲେ ଅନଶନକୁ ବି ସଂସ୍ଥାର ଖାତିର ନାହିଁ।</p><p>ବମିଖାଲ ଓଭରବ୍ରିଜ୍ ନିର୍ମାଣ ବେଳେ ଲଗାଦାର ଦୁଇ ଦୁଇଥର ଅଘଟଣ ପରେ ସରକାର ପଣ୍ଡା ଇନ୍&zwnj;ଫ୍ରା ହାତରୁ ଏହି ଦୁଇ ବ୍ୟସ୍ତବହୁଳ ରାସ୍ତାରେ ପୋଲ ନିର୍ମାଣ କାର୍ଯ୍ୟ ଛଡାଇ ନେବାକୁ ନିଷ୍ପତ୍ତି ନେଇଥିଲେ। ବମିଖାଲ ଓଭରବ୍ରିଜ୍&zwnj; କାର୍ଯ୍ୟ ଆପାତତଃ ଶେଷ ପର୍ଯ୍ୟାୟରେ ପହଞ୍ଚିଥିବାରୁ ଏହାର ବଳକା କାର୍ଯ୍ୟ ଖୋଦ୍&zwnj; ପୂର୍ତ୍ତ ବିଭାଗ କରିବ ବୋଲି କହିଥିଲା। ଏଣେ ଜଟଣୀରେ କାମ ବିଶେଷ ସରି ନ ଥିବାରୁ ଏଥିପାଇଁ ପୁନଃ ଟେଣ୍ଡର ପ୍ରକ୍ରିୟା କରାଯିବ ଏବଂ ତା ପରେ ଯାଇ &nbsp;କାମ ଆରମ୍ଭ କରାଯିବ ବୋଲି ଘୋଷଣା କରାଯାଇଥିଲା। କିନ୍ତୁ ଏହି ନିଷ୍ପତ୍ତିରେ ବ୍ୟତିକ୍ରମ ଦେଖିବାକୁ ମିଳିଛି।</p><p>ଜଟଣୀରେ ନିର୍ମଣାଧୀନ ଓଭରବ୍ରଜ୍&zwnj;ର ଦୁଇ ମୁଣ୍ଡରେ ହେଉଛି କାମ। ସୀତାରାମ ଛକ ପାଖରେ ରଡ ବନ୍ଧା ହେଉଥିବା ବେଳେ ଏଥିପାଇଁ ଦିନରାତି ଠିଆହୋଇ ରହିଛି ଜେସିବି ମେସିନ୍&zwnj;। ଦିନ ତମାମ ଖରାରେ ଠିଆ ହୋଇଥିବା ଏହି ମେସିନ୍&zwnj; ରାତି ୧୨ ବାଜିଲେ କାର୍ଯ୍ୟକ୍ଷମ ହେଉଛି। ଅନ୍ୟପକ୍ଷରେ କୁଦିଆରୀ ବଜାରରେ ବ୍ରିଜ୍&zwnj;ର ତଳମୁଣ୍ଡ କାମ ମଧ୍ୟ ଜୋରସୋରରେ ଚାଲିଛି। କଂକ୍ରିଟ୍&zwnj; ପାଇଲିଂ ତଥା ସିମେଣ୍ଟ ଢଳେଇ ଚାଲିଛି ଏଠି। ସୁରକ୍ଷା କର୍ମୀ ମଧ୍ୟ ଏଥିପାଇଁ ନିୟୋଜିତ ହୋଇଛନ୍ତି।</p><p>ଏମିତି ଢଙ୍ଗରେ କାମ ଚାଲିଥିବା ବେଳେ ସୀତାରାମ ଛକରେ ପଣ୍ଡା ଇନ୍&zwnj;ଫ୍ରାର ଏଭଳି ବେଆଇନ୍&zwnj; ନିର୍ମାଣ କାର୍ଯ୍ୟକୁ ବିରୋଧ କରିଛି ଭାଜପା । ଦୀର୍ଘ ୫ ଦିନ ଧରି ଏଠାରେ ଚାଲିଛି ରିଲେ ଅନଶନ। ପଣ୍ଡା&nbsp; ଇନ୍&zwnj;ଫ୍ରାର ବେଆଇନ୍&zwnj; କାର୍ଯ୍ୟକୁ ବିରୋଧ କରିବା ସହ ଅଧପନ୍ତରିଆ ବ୍ରିଜ୍&zwnj; କାମ ଶିଘ୍ର ସାରିବାକୁ ଦାବି କରିଛନ୍ତି ବିଜେପି ରାଜ୍ୟ ମୁଖପାତ୍ର ସୁଦୀପ୍ତ ରାୟ। ବ୍ରିଜ ନିର୍ମାଣ କାର୍ଯ୍ୟ ଶୀଘ୍ର ସାରିବା, ନିର୍ମାଣରେ ତ୍ରୁଟି ବିଚ୍ୟୁତି କରିଥିବା ଦୁର୍ନୀତିଗ୍ରସ୍ତ ଅଧିକାରୀ ଓ ଠିକାଦାରଙ୍କୁ ଦଣ୍ଡିତ କରିବା, ନିର୍ମାଣ ପାଇଁ ଉଚ୍ଛେଦ ହୋଇଥିବା ବ୍ୟବସାୟୀଙ୍କୁ ଶିଘ୍ର ଥଇଥାନ ଓ ମୂଳ ଡିଜାଇନ୍&zwnj;ରେ ବ୍ରିଜ୍&zwnj; ନିର୍ମାଣ କରିବାକୁ ଦାବି କରିଛନ୍ତି ରାୟ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।