ପାଣ୍ଡିଆନଙ୍କ ଘର ଉପରକୁ ଗୋବର ଫିଙ୍ଗାଯିବା ନିନ୍ଦନୀୟ: ଧର୍ମେନ୍ଦ୍ର

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି.କାର୍ତ୍ତିକେୟନ ପାଣ୍ଡିଆନଙ୍କ ଘର ଉପରକୁ ବିଜେପି କର୍ମୀଙ୍କ ଗୋବର ମାଡ଼କୁ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନିନ୍ଦା କରିଛନ୍ତି। ଏହାସହ ସେ ମୁଖ୍ୟମନ୍ତ୍ରୀଙ୍କୁ ବି ସମାଲୋଚନା କରିଛନ୍ତି। ଧର୍ମେନ୍ଦ୍ର କହିଛନ୍ତି, &ldquo;କୌଣସି ହିଂସାକୁ ରାଜନୈତିକ ଯଥାର୍ଥତା ଦିଆଯାଇ ପାରିବନାହିଁ। ମୋ ଦଳର ଲୋକ କରିଥିଲେ ବି ଉଚିତ ନୁହେଁ ଏବଂ ଏହା ନିନ୍ଦନୀୟ। ଆଇନ ଅନୁସାରେ ଯାହା କାର୍ଯ୍ୟାନୁଷ୍ଠାନ ହେବା କଥା ହେଉ।&rdquo;</p> <p>୨୦୧୭ରେ ଏମିତି ୩ଟି ଘଟଣା ଘଟିଥିଲେ ବି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାହିଁକି ଚୁପ୍ ଥିଲେ ବୋଲି ଧର୍ମେନ୍ଦ୍ର ପ୍ରଶ୍ନ କରିଛନ୍ତି। ଆଇଏଏସ୍&zwnj; ରଶ୍ମିତା ପଣ୍ଡା, ସଂଜୟ ସିଂହ ଏବଂ ମନ୍ତ୍ରୀ ଦାମୋଦର ରାଉତଙ୍କ ଘରେ ପଶି କିଛି ଲୋକ ଉପଦ୍ରବ କରିଥିବା ଉଦାହରଣ ରଖି ଏହି ପ୍ରଶ୍ନ କରିଛନ୍ତି ଧର୍ମେନ୍ଦ୍ର।</p> <p>ଏହି ଘଟଣାକୁ ନେଇ କ&rsquo;ଣ କହୁଛନ୍ତି ଧର୍ମେନ୍ଦ୍ର, ଦେଖନ୍ତୁ ଏହି ଭିଡିଓ।</p>