ବାପପୁଅ ଗିରଫ, ଉଷସୀଙ୍କୁ ପିଟିଥିଲେ

<p>ଅନୁଗୋଳ (ବିରଜା ଦାଶ): ଶେଷରେ ଗିରଫ ହୋଇଛନ୍ତି ଫେରାର ଇନ୍ଦ୍ରମଣି ସାହୁ ଓ ତାଙ୍କ ପୁଅ। ଏ ଦୁଇ ଜଣଙ୍କ ଉପରେ ଅଭିନେତ୍ରୀ ଉଷସୀ ମିଶ୍ରଙ୍କୁ ଦୁର୍ବ୍ୟବହାର କରିବା ଓ ତାଙ୍କୁ ମାଡ଼ ମାରିଥିବା ଅଭିଯୋଗ ହୋଇଥିଲା। ଗତକାଲି ସିନେ କଳାକାର ସଂଘ ପୋଲିସ୍ ଡିଜି ରାଜେନ୍ଦ୍ର ପ୍ରସାଦ ଶର୍ମାଙ୍କୁ ଭେଟିଥିବା ବେଳେ ଆଜି ଏ ଦୁଇ ଜଣଙ୍କୁ ଗିରଫ କରାଯାଇଛି। ପୂର୍ବରୁ ଇନ୍ଦ୍ରମଣିଙ୍କ ଡ୍ରାଇଭରକୁ ପୋଲିସ୍ ଗିରଫ କରିଥିଲା।</p> <p>ଗତ ୨୨ ତାରିଖରେ ଉଷସୀ ଏକ ଯାତ୍ରାରେ ଅଭିନୟ କରିବା ପାଇଁ ଅନୁଗୋଳ ଜିଲ୍ଲା କଣିହାଁ ଥାନା ଅନ୍ତର୍ଗତ ଡେରଙ୍ଗ ଗାଁକୁ ଯାଇଥିଲେ। &nbsp;ଅଭିଯୋଗ ଅନୁଯାୟୀ, ଉଷସୀଙ୍କ କାର୍&zwnj; ଭିଡ଼କାଟି ଆଗକୁ ବଢୁଥିବା ବେଳେ ଇନ୍ଦ୍ରମଣି ସାହୁ ନାମକ ଜଣେ ବ୍ୟକ୍ତି ତାଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। ଏହା ଦେଖି ସେ କାରରୁ ଓହ୍ଲାଇ ଇନ୍ଦ୍ରମଣିଙ୍କୁ ଥାପଡ଼ ମାରିଥିଲେ। ଏଇଠୁ ଆରମ୍ଭ ହୋଇଥିଲା ଗଣ୍ଡଗୋଳ। ଇନ୍ଦ୍ରମଣି ବି ଉଷସୀଙ୍କୁ ମାଡ଼ ମାରିଥିଲେ। ପରେ ଭୁଲ୍ ମାଗି ସେଠାରୁ ଚାଲିଯାଇଥିଲେ। ପରେ ସେ ତାଙ୍କ ପୁଅମାନଙ୍କ ସହିତ ସେଠାରେ ପହଞ୍ଚିଥିଲେ ଓ &nbsp;ଉଷସୀଙ୍କୁ ମାଡ଼ ମାରିଥିଲେ। ଏପରିକି ତାଙ୍କୁ ଉଲଗ୍ନ କରିଦେବାକୁ ଉଦ୍ୟମ କରାଯାଇଥିବା ମଧ୍ୟ ଉଷସୀ ଅଭିଯୋଗ କରିଥିଲେ। ଏହି ଗଣ୍ଡଗୋଳ ବେଳେ ଉଷସୀଙ୍କ କାରକୁ ମଧ୍ୟ ଭଙ୍ଗାରୁଜା କରାଯାଇଥିଲା।</p> <p>ସୋସିଆଲ୍ ମିଡିଆରେ ଏନେଇ ପୋଷ୍ଟ ପରେ ଉଷସୀ କଣିହାଁ ଥାନାରେ ଇନ୍ଦ୍ରମଣି, ତାଙ୍କ ଦୁଇ ପୁଅ ଓ ଅନ୍ୟଜଣେ ସହଯୋଗୀଙ୍କ ବିରୋଧରେ ଏତଲା ଦେଇଥିଲେ।</p> <p>ଏହି ଘଟଣା ପରେ ଫେରାର ଥିବା ଇନ୍ଦ୍ରମଣି ଚାରି ଦିନ ତଳେ ଉଷସୀଙ୍କ ନାଁରେ ପାଲଟା ଅଭିଯୋଗ ଆଣି ତାଳଚେର ଏସ୍&zwnj;ଡିଜେଏମ୍&zwnj; କୋର୍ଟରେ ମାମଲା ଦାଏର କରିଥିଲେ। ଇନ୍ଦ୍ରମଣି ତାଙ୍କ ଅଭିଯୋଗରେ ଦର୍ଶାଇଥିଲେ,&ldquo; ଗତ ୨୨ ତାରିଖ ରାତି ପ୍ରାୟ ସାଢେ ୧୧ଟାରେ ମୁଁ ଡେରଙ୍ଗରେ ହେଉଥିବା ଚନ୍ଦନଯାତ୍ରାରେ ନାଟକ ଦେଖିବାକୁ ଯାଇଥିଲି। ଏହି ସମୟରେ ଉଷସୀ କାର ପାର୍କିଂ କରୁଥିଲେ। ତାଙ୍କ କାର ମୋ ଦେହରେ ବାଜିଥିଲା। ଏହାକୁ ନେଇ ମୁଁ ପାଟି କରିଥିଲି। ଏହାପରେ ସେ କାରରୁ ଓହ୍ଲାଇ ମୋତେ ଗାଳିଗୁଲଜ କରିଥିଲେ ଓ&nbsp; ମୋ ସାର୍ଟ କଲର ଧରି ମୁଣ୍ଡକୁ ତଳକୁ ମାଡ଼ି ଦେଇ ଜୋତାରେ ଲାତ ମାରିଥିଲେ। ମୁଁ ତଳେ ପଡ଼ିଯାଇ ବଞ୍ଚାଇବାକୁ ପାଟି କରି ଡାକ ପକାଇଥିଲି। ଏତେସବୁ ପରେ ବି ସେ ମୋ ବେକକୁ ଗୋଡ଼ରେ ଚାପି ଦେଇ ମାରିଦେବାକୁ ଧମକ ଦେଇଥିଲେ। ମୋ ନିଃଶ୍ୱାସ ବନ୍ଦ ହୋଇଯିବା ସହ ଚେତାଶୂନ୍ୟ ହୋଇଯାଇଥିଲି। ଏହାପରେ ସେ ମୋତେ ଘୋଷାଡ଼ି ଘୋଷାଡ଼ି ନେଇଥିବା ବେଳେ ମୋ ପୁତୁରା ଓ କିଛି ଲୋକ ସେଠାରେ ପହଞ୍ଚି ତାଙ୍କ କବଳରୁ ମୋତେ ଉଦ୍ଧାର କରିବାକୁ ଚେଷ୍ଟା କରିଥିଲେ। ସେମାନଙ୍କୁ ମଧ୍ୟ ସେ ଗାଳିଗୁଲଜ କରିବା ସହ ଧମକ ଦେଇଥିଲେ।&rdquo;</p>