ଗଣେଶ ପୂଜା ଚାନ୍ଦା ନ ଦେବାରୁ ୱେସ୍‌କୋ ଡିଜିଏମ୍‌ଙ୍କୁ କାଳିମାଡ଼

<p>ସମ୍ୱଲପୁର(ଓଡ଼ିଶା ରିପୋର୍ଟର): ଆସନ୍ତାକାଲି ବିଘ୍ନ ବିନାଶକ ଗଣେଶଙ୍କ ପୂଜା ଉତ୍ସବ। ଏଥିପାଇଁ ପୁରପଲ୍ଲୀ ଚଳଚଞ୍ଚଳ ହୋଇ ଉଠିଛି। ପୂଜାକୁ ଧୂମ୍&zwnj;ଧାମରେ ପାଳନ କରିବା କରିବା ପ୍ରସ୍ତୁତି ଜୋରଦାର ଚାଲିଛି। ଏହା ପୂର୍ବରୁ ସମ୍ୱଲପୁର ଜିଲ୍ଲା ବୁର୍ଲା ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ଚାନ୍ଦା ନଦେବାରୁ ୱେସ୍&zwnj;କୋ ଅଫିସରେ ପସି ଡିଜିଏମ୍&zwnj;ଙ୍କୁ କାଳିମାଡ଼ ହୋଇଥିବା ଅଭିଯୋଗ ହୋଇଛି। ଏପରିକି ସୁରକ୍ଷା ଦାୟିତ୍ୱରେ ଥିବା ସୁରକ୍ଷା କର୍ମୀଙ୍କୁ ମଧ୍ୟ କାଳି ମାଡ଼ ହୋଇଛି। ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।</p> <p>&lt;a href=&quot;&quot;&gt;(image) &lt;/a&gt;ଆଜି ବୁର୍ଲା ୱେସ୍&zwnj;କୋ ଡିଜିଏମ୍&zwnj;(ଏଚ୍&zwnj;ଆରଡି) ରମେଶ ପ୍ରସାଦ ପତି କାର୍ଯ୍ୟାଳୟରେ ପ୍ରବେଶ କରୁଥିଲେ। ଏହି ସମୟରେ ୧୦ରୁ ୧୫ ଜଣ ଯୁବକ ତାଙ୍କୁ ଗଣେଶ ପୂଜା ଚାନ୍ଦା ମାଗିଥିଲେ। ଆମେ ସରକାରୀ ଅଫିସର, ଚାନ୍ଦା ଦେବାର କୌଣସି ବ୍ୟବସ୍ଥା ନାହିଁ ବୋଲି ଡିଜିଏମ୍&zwnj; ପତି କହିଥିଲେ। ଏଥିରେ ଯୁବକମାନେ ରାଗିଯାଇ ତାଙ୍କୁ ଗାଳି ଗୁଲଜ କରିଥିଲେ। ପରେ ଉତ୍&zwnj;କ୍ଷିପ୍ତ ହୋଇ ସାଥୀରେ ଆଣିଥିବା କାଳି ଡିଜିଏମ୍&zwnj;ଙ୍କ ଉପରକୁ ଫିଙ୍ଗିଥିଲେ। କାଳି ଡିଜିଏମ୍&zwnj;ଙ୍କ ମୁହଁ ଓ ଦେହରେ ପଡ଼ିଥିଲା। ଏପରିକି ସୁରକ୍ଷା କର୍ମୀଙ୍କ ଉପରେ ମଧ୍ୟ ଯୁବକମାନେ କାଳି ଫିଙ୍ଗି ଥିଲେ। ଏନେଇ ଅଭିଯୋଗ ହେବା ପରେ ବୁର୍ଲା ଥାନା ପୋଲିସ ମାମଲା ରୁଜୁ କରି ୱେସ୍&zwnj;କୋ ଅଫିସ୍&zwnj;ରେ ଲାଗିଥିବା ସିସିଟିଭି ଫୁଟେଜ୍&zwnj; ମାଗିଛି। ଏହି ଆଧାରରେ ପୋଲିସ୍&zwnj; ତଦନ୍ତ ଆରମ୍ଭ କରିଛି। ମାତ୍ର କାଳି ଫିଙ୍ଗିଥିବା ଯୁବକଙ୍କ ସମ୍ପର୍କରେ ତଥ୍ୟ ପାଇପାରି ନାହିଁ।</p> <p>&amp;nbsp;</p>