IPL ଫିଭର ଯେତେ ପାରଦ ଚଢୁଛି, ସେତେ ଗରମ ହେବାରେ ଲାଗିଛି ସଟ୍ଟାବଜାର

<p>ସରଗରମ୍ ହେଉଛି ଆଇପିଏଲ ମ୍ୟାଚ୍ ତ ଏପଟେ ଗରମ ହେଉଛି ସଟ୍ଟା ବଜାର। ଖାଲି ବେଟିଂ ମାଫିଆ ନୁହଁନ୍ତି, ବିନା ପରିଶ୍ରମରେ ରାତାରାତି ଲକ୍ଷପତି ହେବା ଲକ୍ଷ୍ୟରେ ଲାଗି ପଡିଛନ୍ତି କ୍ରିକେଟରେ ରୁଚି ରଖୁଥିବା ଯୁବଗୋଷ୍ଠୀ। ପ୍ରତି ମ୍ୟାଚରେ ହେଉଛି କୋଟି କୋଟିର ବେଆଇନ୍ କାରବାର। କେବଳ ବଡ଼ ସହର ନୁହେଁ କଣ୍ଟାବାଞ୍ଜି ଓ ଆସିକା ଭଳି ଛୋଟ ସହରରେ ବି ଚାଲିଛି ବେଟିଂ।</p> <p>ଆଇପିଏଲର ପ୍ରତିଟି ମ୍ୟାଚକୁ ନେଇ ଫ୍ୟାନ୍&zwnj;ଙ୍କ ଫିଭର ଯେତେ ପାରଦ ଚଢୁଛି, ସେତେ ଗରମ ହେବାରେ ଲାଗିଛି ସଟ୍ଟାବଜାର। କୋଟି କୋଟି ଟଙ୍କାରେ ଚାଲୁଛି ବେଟିଂ । ୦୪.୦୫.୨୦୧୮ ବଲାଙ୍ଗିର ଜିଲ୍ଲା କଣ୍ଟାବାଞ୍ଜିର ସଟ୍ଟାବଜାରେ ଚଢ଼ାଉ ପରେ ପୋଲିସ୍ ହାତରେ ଲାଗିଥିଲା ୧୧ ଲକ୍ଷ ଟଙ୍କା। ଏଥିରେ ସମ୍ପୃକ୍ତ ୩ ଜଣଙ୍କୁ ପୋଲିସ ଗିରଫ କରିଥିଲା। ଏହାପୂର୍ବରୁ ୨୬.୪.୨୦୧୮ ଗଞ୍ଜାମ ଜିଲ୍ଲା ଆସିକାରୁ ପୋଲିସ ୧୦ ଲକ୍ଷ ଟଙ୍କ ଜବତ କରିବା ସହ ୭ ଜଣଙ୍କୁ ଗିରଫ କରିଥିଲା। ୧୩.୪.୨୦୧୮ ବ୍ରହ୍ମପୁରରେ ଚଢ଼ାଉ କରି ପୋଲିସ ଜବତ କରିଥିଲା ୭ ଲକ୍ଷ ଟଙ୍କା ଏହାସହ ସମ୍ପୃକ୍ତ ୩ ଜଣଙ୍କୁ ପୋଲିସ ଗିରଫ କରିଥିଲା। ୨୯.୪ ୨୦୧୮ ସମ୍ବଲପୁରରେ ଚାଲିଥିବା ସଟ୍ଟାବଜାରରେ ଚଢ଼ାଉ କରି ପୋଲିସ ୬୬ ହଜାର ଟଙ୍କା ସହ ୧୦ଟି ମୋବାଇଲ୍ ଜବତ କରିଥିଲା ଏହାସହ ୬ ଜଣଙ୍କୁ ପୋଲିସ ଗିରଫ କରିଥିଲା।<br /> ଖାଲି ଏଇ କେତୋଟି ଯାଗା ନୁହେଁ, ଆଇପିଏଲ୍ ସିଜିନ୍ ଆସିବା ପରଠୁ ରାଜ୍ୟର ବିଭିନ୍ନ ସ୍ଥାନରେ ପ୍ରତିଦିନ ଚାଲିଛି ବେଟିଂ, କେଉଁଠି ସ୍ମାର୍ଟଫୋନ୍ ତ କେଉଁଠି ଲାପ୍&zwnj;ଟପ ଓ କମ୍ପ୍ୟୁଟର। ସବୁଠି ଚାଲିଛି କୋଟି କୋଟିର ଖେଳ। ଯାହାର ଚେର ଲମ୍ବିଛି ରାୟପୁରରୁ ମୁମ୍ବାଇ ପର୍ଯ୍ୟନ୍ତ।<br /> &lt;strong&gt;&lt;span style=&quot;color: #ff0000;&quot;&gt;ଜାଣନ୍ତୁ କେମିତି ହୁଏ ବେଟିଂ&lt;/span&gt;&lt;/strong&gt;</p> <p>ଟସ୍&zwnj;ଠୁ ନେଇ ଟିମର ହାର ଜିତ୍, ମ୍ୟାଚରେ କିଏ କରିବ ପ୍ରଥମେ ବ୍ୟାଟିଂ ଓ ବୋଲିଂ, ଷ୍ଟାର ଖେଳାଳିଙ୍କ ଇଣ୍ଡିଭିଜୁଆଲ୍ ପର୍&zwnj;ଫର୍&zwnj;ମାନ୍ସ ଠାରୁ ଆରମ୍ଭ କରି ଛକା-ଚୌକା, ଓଭର ପିଛା ରନ୍, ମ୍ୟାନ୍ ଅଫ୍ ଦି ମ୍ୟାଚ୍, ଏମିତିକି କ୍ୟାଚ୍&zwnj;କୁ ନେଇ ମଧ୍ୟ ଲାଗେ ଟଙ୍କା। ଖାଲି ଫୋନ୍ ନୁହେଁ, ଅନ୍&zwnj;ଲାଇନ୍&zwnj;ରେ ମଧ୍ୟ ବେଟିଂ ସାଇଟ୍ସ ମାଧ୍ୟମରେ ହୁଏ କାରବାର। ବେଟିଂରେ ହାରି କିଏ ତଳିତଳାନ୍ତ ହୁଏ, ତ କିଏ ହୁଏ ମାଲାମାଲ୍। ହେଲେ ଅଭିଯୋଗ ହେଉଛି ରାଜ୍ୟରେ ବଢିଚାଲିଥିବା ଏ ବେଆଇନ୍ କାରବାରକୁ ରୋକିବା ପଛରେ ପୋଲିସର କାର୍ଯ୍ୟାନୁଷ୍ଠାନ ଯଥେଷ୍ଟ ହେଉଛି? ଏହାକୁ ନେଇ ଉଠିଛି ପ୍ରଶ୍ନ।</p>