ଭୁବନେଶ୍ୱର: ଜଗତପୁରରୁ ଗତକାଲି ଗିରଫ ଅଲକାଏଦା ଆତଙ୍କବାଦୀ ମହମ୍ମଦ ଅବଦୁର ରେହମାନର ଭାଇଙ୍କ ପଲିଟିକାଲ୍ ଲିଙ୍କ୍ ଥିବାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି। ଏହି ଲିଙ୍କ୍ ବିଜେଡି ସହ ଥିବା କୁହାଯାଉଛି। ଗିରଫ ରେହମାନର ଭାଇ ତାହିର୍ ଅଲ୍ଲୀ ବିଜେଡ଼ିର ଜଣେ ବ୍ଲକସ୍ତରୀୟ କର୍ମକର୍ତ୍ତା ବୋଲି ଜଣାପଡ଼ିଛି। ନିଜେ ଏକଥା କହିଛନ୍ତି ଗିରଫ ରେହମାନଙ୍କ ଭାଇ। ସେ କହିଛନ୍ତି, ଏଭଳି ଗିରଫଦାରୀ ସରକାରୀ ଦଳକୁ ଓ ଓଡ଼ିଶାକୁ ବଦନାମ କରିବାକୁ ଏକ ଚକ୍ରାନ୍ତ।
ସେପଟେ ବିଜେଡ଼ି ଲିଙ୍କ୍ ନେଇ ପ୍ରତିକ୍ରିୟା ରଖିଛନ୍ତି ବିଜେଡ଼ି ମୁଖପାତ୍ର ଅମର ଶତପଥୀ। ସେ କହିଛନ୍ତି ନିଜକୁ ସୁରକ୍ଷା ଦେବା ପାଇଁ ଶାସକ ଦଳର ନାଁ ନେଉଛନ୍ତି। ସେ ଦଳର କୌଣସି ଗୁରୁତ୍ୱପୂର୍ଣ୍ଣ ପଦବୀରେ ନାହାନ୍ତି।