ଯାତ୍ରା ନାୟିକା ଉଷସୀଙ୍କୁ ଅସଦାଚରଣ: କ’ଣ ଥିଲା ପୂରାଘଟଣାକ୍ରମ ? ଜାଣନ୍ତୁ

<p>ଅନୁଗୋଳ,(ବିରଜା ଦାସ): ଅଭିନେତ୍ରୀ ଉଷସୀ ମିଶ୍ରଙ୍କୁ ଦୁର୍ବ୍ୟବହାର ଓ ଅସଦାଚରଣ ଅଭିଯୋଗ। ଯାତ୍ରାରେ ଅଭିନୟ ପାଇଁ ଯିବାବେଳେ ଅନୁଗୁଳ କଣିହାଁ ନିକଟ ଡେରଙ୍ଗରେ ଏମିତି ଦୁସ୍ଥିତିର ସାମ୍ନା କରିଛନ୍ତି ଉଷସୀ। ଏନେଇ କଣିହା ଥାନାରେ ୪ ଜଣଙ୍କ ନାଁରେ ଅଭିଯୋଗ କରିଛନ୍ତି ଉଷସୀ। &nbsp;ଅଭିଯୁକ୍ତ ଫେରାର ଥିବା ବେଳେ ପୋଲିସ୍ ମାମଲା ରୁଜୁ କରି ଘଟଣାର ତଦନ୍ତ କରୁଛି । ସେପଟେ &nbsp;ଟାଇକୋଣ୍ଡୋ ଶିଖିଥିଲି ବୋଲି ଅସଦାଚରଣକାରୀଙ୍କ ପାଖରୁ ବର୍ତ୍ତିଗଲି ବୋଲି କହିଛନ୍ତି ଉଷସୀ। ଯାତ୍ରା ମଞ୍ଚକୁ ଯିବା ପୂର୍ବରୁ ଗତକାଲି ରାତିରେ ଉଷସୀଙ୍କ ପ୍ରତି ହୋଇଛି ଅସଦାଚରଣ। ଜଣେ ଲବ୍ଧ ପ୍ରତିଷ୍ଠିତ ଅଭିନେତ୍ରୀଙ୍କୁ ସର୍ବସାଧାରଣରେ ଗାଳିଗୁଲଜ, ଧସ୍ତାଧସ୍ତି, ଚୁଟି ଝିଙ୍କି ମାଡ଼ ମରାଯାଛି। &nbsp;ସୋସିଆଲ୍ ମିଡିଆରେ ନିଜେ ଉଷସୀ ଆଜି ଏନେଇ ପୋଷ୍ଟ କରିବା ପରେ ହଇଚଇ ଖେଳିଯାଇଥିଲା । ପୂରା ଘଟଣାଟି ଏମିତି। &nbsp;ଅନୁଗୁଳ ଜିଲ୍ଲା ଡେରଙ୍ଗରେ ପଡ଼ିଥିଲା ଇଷ୍ଟର୍ଣ୍ଣ ବ୍ଲୁର ଯାତ୍ରା।</p> <p>ଅଭିଯୋଗ ଅନୁଯାୟୀ, ଉଷସୀ ନିଜ କାରରେ ଭିଡ଼କାଟି ଯିବା ବେଳେ ଇନ୍ଦ୍ରମଣି ସାହୁ ନାମକ ଜଣେ ବ୍ୟକ୍ତି ତାଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। &nbsp;କାରରୁ ଓହ୍ଲାଇ ସେ ଇନ୍ଦ୍ରମଣିଙ୍କୁ ଥାପଡ଼ ମାରିବାରୁ ଆରମ୍ଭ ହୋଇଥିଲା ଗଣ୍ଡଗୋଳ। &nbsp;ଉଷସୀଙ୍କୁ ଉଦ୍ଧାର ପାଇଁ ଉଦ୍ୟମ ବେଳେ କିଛି ସହକଳାକାର, ପାର୍ଟିର ମ୍ୟାନେଜର ମଧ୍ୟ ଆକ୍ରମଣର ଶିକାର ହୋଇଥିଲେ। ଆକ୍ରମଣକାରୀ ଉଷସୀଙ୍କ ଗାଡ଼ି ମଧ୍ୟ ଭଙ୍ଗାରୁଜା କରିଥିବା ଅଭିଯୋଗ ହୋଇଛି।</p> <p>ସୋସିଆଲ୍ ମିଡିଆରେ ଏନେଇ ପୋଷ୍ଟ ପରେ ଉଷସୀ କଣିହାଁ ଥାନାରେ ଇନ୍ଦ୍ରମଣି, ତାଙ୍କ ଦୁଇ ପୁଅ ଓ ଅନ୍ୟଜଣେ ସହଯୋଗୀଙ୍କ ବିରୋଧରେ ଅସଦାଚରଣ ଓ ଦୁର୍ବ୍ୟବହାର ଅଭିଯୋଗ କରିଛନ୍ତି । ପରେ ଅନୁଗୁଳ ଏସ୍&zwnj;ପିଙ୍କୁ ଭେଟି ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଘଟଣା ପରଠାରୁ ସମସ୍ତ ଅଭିଯୁକ୍ତ ଫେରାର ଅଛନ୍ତି । କଣିହା ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରୁଛି। &nbsp;ଓଲିଉଡ୍ ଓ ଜଲିଉଡ୍ ଜଗତର ଚର୍ଚ୍ଚିତ ଅଭିନେତ୍ରୀ ଉଷସୀଙ୍କ ଉପରେ ଏଭଳି ଆକ୍ରମଣ ଓ ଅସଦାଚରଣ ଅଭିଯୋଗକୁ ନେଇ ଉଦ୍&zwnj;ବେଗ ପ୍ରକାଶ ପାଇଛି।</p>