ହାରିଲା ହୀନ ରାଜନୀତି, ଜିତିଲା ବିକାଶ: ବୈଜୟନ୍ତଙ୍କ ପାଣିଟାଙ୍କି ଉଦ୍‌ଘାଟନ କଲେ ସପ୍ତମ ଶ୍ରେଣୀ ଛାତ୍ରୀ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କଟକ ଜିଲ୍ଲା ନିଶ୍ଚିତକୋଇଲି ବ୍ଲକ ଅନ୍ତର୍ଗତ ବୁହାଳୋ ପଞ୍ଚାୟତରେ ହାରିଗଲା ହୀନ ରାଜନୀତି। ଜିତିଲା ବିକାଶ। ଶେଷରେ ପାନୀୟ ଜଳ ପ୍ରକଳ୍ପ ଉଦ୍&zwnj;ଘାଟନ ହେଲା। ବାଦବିବାଦ ଭିତରେ କଟକ ଜିଲ୍ଲା ମାହାଙ୍ଗା ନିକଟ ବୁହାଳୋ ପଞ୍ଚାୟତରେ ପାନୀୟ ଜଳ ପ୍ରକଳ୍ପର ଲୋକାର୍ପଣ କଲେ ସାଂସଦ ବୈଜୟନ୍ତ ପଣ୍ଡା। ହେଲେ ଲୋକଙ୍କ ହିତ ପାଇଁ ହେଉଥିବା ଏହି ଉନ୍ନୟନ କାର୍ଯ୍ୟକ୍ରମରେ, ସ୍ଥାନୀୟ ବିଧାୟକ ତଥା ମନ୍ତ୍ରୀ ପ୍ରତାପ ଜେନା ଓ ତାଙ୍କ ସମର୍ଥକଙ୍କର ଦେଖା ମିଳି ନଥିଲା। ଏହି ଅବସରରେ ସାଂସଦ ପଣ୍ଡା ତୃତୀୟ ମହଲାର ଅଣଓଡ଼ିଆ ଅଫିସରଙ୍କୁ ସିଧାସଳଖ ଟାର୍ଗେଟ୍ କରିଥିଲେ। କହିଥିଲେ- ଯେଉଁ ଅଫିସର ନିଜ କର୍ତ୍ତବ୍ୟ ଭୁଲି ଲକ୍ଷ୍ମଣରେଖା ଡେଇଁ ରାଜନୀତି କରନ୍ତି, ସେଭଳି ଅଫିସରଙ୍କୁ ସମ୍ମାନ ଦେବା ଆବଶ୍ୟକତା ନାହିଁ।</p> <p>ସାଂସଦ ବୈଜୟନ୍ତ ପଣ୍ଡା ବୁହାଳୋ ଗାଁରେ ପହଞ୍ଚିବା ପରେ ଲୋକଙ୍କ ଭିତରେ ଦେଖାଦେଇଥିଲା ପ୍ରବଳ ଉତ୍ସାହ। ବିରାଟ ପଟୁଆରରେ ବାଜା ଓ ବାଣ ରୋଷଣୀରେ ସାଂସଦଙ୍କୁ ପ୍ରକଳ୍ପ ସ୍ଥଳକୁ ପାଛୋଟି ନେଇଥିଲେ ଜନତା। ହଜାର ହଜାର ଲୋକଙ୍କ ଗହଣରେ ସ୍ଥାନୀୟ ଜନପ୍ରତିନିଧିଙ୍କ ଉପସ୍ଥିତିରେ ଜଣେ ସପ୍ତମ ଶ୍ରେଣୀ ଛାତ୍ରୀ ହାତରେ ପ୍ରକଳ୍ପର ଲୋକାର୍ପଣ ହୋଇଥିଲେ।</p> <p>&lt;a href=&quot;&quot;&gt;(image) &lt;/a&gt;ଗତବର୍ଷ ମାହାଙ୍ଗା ଘଟଣାର ଉଦାହରଣ ଦେଇ ସାଂସଦ ପଣ୍ଡା କହିଥିଲେ- &ldquo;ଗୁଳି କଲେ ବି ମୁଁ ଲୋକଙ୍କ ପାଖକୁ ଆସିବି ବୋଲି କହିଥିଲି, ଏବେ ଆସିଛି। ପାଣି କିଏ ଆଣିବାକୁ ଚାହୁଁଥିଲା, ଆଉ କିଏ ଅଟକାଉଥିଲେ ଆଗାମୀ ଦିନରେ ସ୍ୱାଭିମାନୀ ମାହାଙ୍ଗାବାସୀ ଏହାର ଜବାବ ଦେବେ।&rdquo;</p> <p>ଏହି ଅବସରରେ ତୃତୀୟ ମହଲାର ଜଣେ ଅଣଓଡ଼ିଆ ଅଫିସରଙ୍କ ଉପରେ ଧୁମ୍ ବର୍ଷିଥିଲେ ବୈଜୟନ୍ତ।</p> <p>କହିଥିଲେ- &ldquo;ଯେତେବେଳେ କୌଣସି ଅଫିସର ନିଜ ଚାକିରିର ନିୟମକୁ ଭୁଲି ଲକ୍ଷ୍ମଣ ରେଖା ଟପି ରାଜନୀତିରେ ସାମିଲ ହୋଇଯାଆନ୍ତି ଓ ଦଳୀୟ କାର୍ଯ୍ୟକ୍ରମରେ ହାତ ମାରନ୍ତି, ଏବଂ ଜନ-ବିରୋଧୀ କାମ କରୁଥିବା ବ୍ୟକ୍ତିକୁ ଆଶ୍ରୟ ଦିଅନ୍ତି, ସେମାନଙ୍କୁ ସମ୍ମାନ ଦେବାର ଆବଶ୍ୟକତା ନାହିଁ। ସେହିଭଳି ଅଧିକାରୀମାନଙ୍କୁ କେମିତି ବ୍ୟବହାର କରାଯିବା ଦରକାର, ତାହା ବିଜୁବାବୁ ପବ୍ଲିକ ମିଟିଂରେ କହିଥିଲେ।&rdquo;</p> <p>ପାନୀୟ ଜଳ ଭଳି ଲୋକଙ୍କ ମୌଳିକ ସମସ୍ୟାର ସମାଧାନ ପାଇଁ ବୁହାଳୋ ଗାଁରେ ଉଦ୍&zwnj;ଘାଟନୀ ପର୍ବ ଚାଲିଥିଲା। ସେପଟେ ନିଶ୍ଚିନ୍ତକୋଇଲି ବଜାରରେ ସାଂସଦ ବୈଜୟନ୍ତ ପଣ୍ଡାଙ୍କୁ ବିରୋଧ କରି ଧାରଣାରେ ବସିଥିଲେ ବିଧାୟକ ତଥା ମନ୍ତ୍ରୀ ପ୍ରତାପ ଜେନାଙ୍କ ସମର୍ଥକ। ଏହାର ଜବାବ ଦେଇଛନ୍ତି ବୁହାଳୋ ବାସିନ୍ଦା।</p> <p>ନିଶ୍ଚିନ୍ତକୋଇଲି ବ୍ଲକ୍ ଅଧ୍ୟକ୍ଷା ସବିତା ଓଝା କହିଛନ୍ତି- &ldquo;ଉଦ୍&zwnj;ଘାଟନୀ କାର୍ଯ୍ୟକ୍ରମ ନେଇ ସାଂସଦ ଆମ ସହିତ ଫୋନ୍&zwnj;ରେ କଥା ହୋଇନାହାଁନ୍ତି। ଯାହାଦ୍ୱାରା କର୍ମୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି।&rdquo;</p> <p>ସ୍ଥାନୀୟ ବାସିନ୍ଦା କୈଳାସ ବେହେରା କହିଛନ୍ତି- &ldquo;ଆମର ପାଣି ଦରକାର। ପାଣି ନହେଲେ ଚଳି ପାରିପାରିବୁ ନାହିଁ। ଏପରି କାର୍ଯ୍ୟକୁ ବିରୋଧ କରିବା ଠିକ୍&zwnj; ନୁହେଁ।&rdquo;</p> <p>ସାଂସଦ ବୈଜୟନ୍ତ ପଣ୍ଡାଙ୍କ ନିର୍ବାଚନ ମଣ୍ଡଳୀ କେନ୍ଦ୍ରାପଡ଼ାରେ ୧ ଲକ୍ଷ ଲିଟର କ୍ଷମତା ବିଶିଷ୍ଟ ଏହି ଭଳି ୫୭ଟି ପାଣି ଟାଙ୍କିର ନିର୍ମାଣ କରାଯାଉଛି। ସେ ଭିତରୁ ଆଜି ବୁହାଳୋ ପଞ୍ଚାୟତରେ ଏହା ଥିଲା ଦ୍ୱାଦଶ ପାଣିଟାଙ୍କିର ଲୋକାର୍ପଣ କାର୍ଯ୍ୟକ୍ରମ।</p> <p>https://youtu.be/q5oRfoIaCk4</p>