ଅସୁସ୍ଥ ଜୟନାରାୟଣଙ୍କୁ ଦିଲ୍ଲୀ ନିଆଗଲା

କଟକ(ପ୍ରଭାତ ବିଷୋୟୀ): ଗତ କିଛି ଦିନ ହେବ କଟକ ବଡ଼ଡାକ୍ତରଖାନାରେ ଚିକିତ୍ସିତ ହେଉଥିବା ଗିରଫ ବିଜେପି ନେତା ଜୟନାରାୟଣ ମିଶ୍ରଙ୍କୁ ଆଜି ଦିଲ୍ଲୀ ନିଆଯାଇଛି। ଅଧିକ ଚିକିତ୍ସା ଲାଗି ତାଙ୍କୁ କଟକରୁ ଟ୍ରେନ୍‌ ଯୋଗେ ଦିଲ୍ଲୀ ଏମ୍ସକୁ ନିଆଯାଇଛି। କଡ଼ା ସୁରକ୍ଷା ବଳୟ ମଧ୍ୟରେ  ପୋଲିସ  ତାଙ୍କୁ  କଟକ ଷ୍ଟେସନରୁ ଦିଲ୍ଲୀ ନେଇଛି।

କଟକ ବଡ଼ ଡାକ୍ତରଖାନାରେ ତାଙ୍କୁ ଇଏଲଟି ବିଭାଗରେ ଭର୍ତ୍ତି କରାଯାଇଥିଲା।

ସୂଚନାଯୋଗ୍ୟ,ଏପ୍ରିଲ୍‌ ୨୧ ତାରିଖରେ ବରଗଡ଼ ଜିଲ୍ଲା ସୋହେଲା ଜେଲ୍‌ରେ ଅସୁସ୍ଥ ହୋଇପଡ଼ିଥିଲେ ଜୟନାରାୟଣ। ତାଙ୍କ ଛାତିରେ ଯନ୍ତ୍ରଣା ହେବାରୁ ଜେଲ୍‌ ଭିତରେ ଡାକ୍ତର ଚିକିତ୍ସା କରିଥିଲେ। ମାତ୍ର ସ୍ୱାସ୍ଥ୍ୟାବସ୍ଥାରେ କୌଣସି ଉନ୍ନତି ନଘଟିବାରୁ ବୁର୍ଲା ମେଡ଼ିକାଲକୁ ସ୍ଥାନାନ୍ତରିତ କରିବାକୁ ଡାକ୍ତର ପରାମର୍ଶ ଦେଇଥିଲେ। ତେବେ ଏପ୍ରିଲ ୨୪ ତାରିଖରେ ତାଙ୍କୁ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ମାର୍ଚ୍ଚ ୧୫ ତାରିଖ ଦିନ ସୋହେଲା ବନାବିରା ଗୁଳିକାଣ୍ଡ ମାମଲାରେ ପୋଲିସ ତାଙ୍କୁ ଗିରଫ କରିଥିଲା।