ଜଷ୍ଟିସ୍ ପିକେ ମହାନ୍ତିଙ୍କ ଘରୁ ଡକାୟତି ଘଟଣା: କମିଶନରେଟ୍ ପୋଲିସର ତନାଘନା ଜାରି

କଟକ: କଟକର ସିଡିଏ ଅଞ୍ଚଳରୁ ବିଚାରପତି ଜଷ୍ଟିସ୍ ପିକେ ମହାନ୍ତିଙ୍କ ଘରୁ ଡକାୟତି ଘଟଣାରେ କମିଶନରେଟ୍ ପୋଲିସ୍ ତନାଘନା ଜାରି ରଖିଛି। ଏହି ହାଇପ୍ରୋଫାଇଲ୍ ଡକାୟତି ମାମଲାରେ ସଂପୃକ୍ତ ଗ୍ୟାଙ୍ଗକୁ କାଲି ଠାବ କରାଯାଇଥିବା ପୋଲିସ କମିଶନର ଆର. ପି. ଶର୍ମା ସୂଚନା ଦେଇଥିଲେ। ପୋଲିସ୍ ୪ ଜଣ ଡକାୟତଙ୍କୁ ଅଟକ ରଖି ପଚରାଉଚରା କରିଛି। ଏମାନଙ୍କ ସହ ଆଉ କିଏ କିଏ ସାମିଲ ଥିଲେ, ଏମାନେ କିଭଳି ଭାବେ ଜଷ୍ଟିସଙ୍କ ଘରୁ ଡକାୟତି ପାଇଁ ଯୋଜନା କରିଥିଲେ ଏବଂ ମାରଣାସ୍ତ୍ର କେଉଁଠୁ ଆଣିଥିଲେ ସେ ସମ୍ପର୍କରେ ଅଭିଯୁକ୍ତମାନଙ୍କୁ ଅଲଗା ଅଲଗା ଜେରା କରାଯାଇଛି। ସେମାନଙ୍କଠୁ ମିଳିଥିବା ତଥ୍ୟ ମୁତାବକ ପୋଳିସ ବିଭିନ୍ନ ସ୍ଥାନରେ ପୋଲିସ ଚଢ଼ାଉ ମଧ୍ୟ ଜାରି ରହିଛି। ଏ ସମ୍ପର୍କରେ ଗତକାଲି ପୋଲିସ କମିଶନର ସୂଚନା ଦେଇଥିଲେ ବି ଅଭିଯୁକ୍ତଙ୍କୁ ଗଣମାଧ୍ୟମ ଆଗରେ ପେସ୍ କରାଯାଇ ନାହିଁ। ସେପଟେ ଏହି ଡକାୟତି ଏକ ସମ୍ୱେଦନଶୀଳ ଘଟଣା ହୋଇଥିବା ଏବଂ ଅଟକ ଅଭିଯୁକ୍ତମାନେ ଭେଟେରାନ୍ କ୍ରିମିନାଲ୍ ହୋଇଥିବାରୁ ପୁରା ଘଟଣାକ୍ରମର ପର୍ଦ୍ଦାଫ।ଶ କରିବାକୁ ଆଉ ଦିନେ ଦୁଇଦିନ ସମୟ ଲାଗିବ ବୋଲି ପୋଲିସ କମିଶନର ସୂଚନା ଦେଇଛନ୍ତି।