ବସ୍‌ରୁ ବିରଳ ପ୍ରଜାତିର ୧୨ଟି ମାଉଣ୍ଟେନ୍‌ କ୍ୱେଲ୍‌ ପକ୍ଷୀ ଉଦ୍ଧାର

ଭବାନୀପାଟଣା: କଳାହାଣ୍ଡି ଜିଲ୍ଲା ଥୁଆମୂଳ-ରାମପୁରରୁ ଭବାନୀପାଟଣା ଯାଉଥିବା ଏକ ଘରୋଇ ବସରୁ ବନ ବିଭାଗ ୧୨ ବିରଳ ପ୍ରଜାତିର ମାଉଣ୍ଟେନ୍‌ କ୍ୱେଲ୍‌ ପକ୍ଷୀ ଜବତ କରିଛି। ଏହାଛଡ଼ା ପକ୍ଷୀ ଧରା ଯନ୍ତା ମଧ୍ୟ ଜବତ କରାଯାଇଛି। ଏହି ଘଟଣାରେ ବନ ବିଭାଗ ବସ୍‌ ମାଲି ତଥା କଣ୍ଡକ୍ଟର ଚିନ୍ତାମଣି ଛତ୍ରିଆ, ଚାଳକ ପୁନିଆ ମାଝି ଓ ହେଲପର ପ୍ରଦୀପ ମାଝିଙ୍କୁ ଗିରଫ କରି ପଚରାଉଚରା ଚଳାଇଛି। ଜବତ ପକ୍ଷୀ ଗୁଡ଼ିକୁ କଲ୍ରାପାଟ ସଂରକ୍ଷିତ ଜଙ୍ଗଲରୁ ଶିକାର କରାଯାଇଥିବା ବନ ବିଭାଗ କହିଛି।