କନ୍ଧମାଳ: ଫୁଲବାଣୀର ଗୋଚ୍ଛାପଡ଼ା ଥାନା ଅନ୍ତର୍ଗତ ଡଙ୍ଗରିଯୋରୀ ପାହାଡ଼ରେ ଶନିବାର ସକାଳେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି। ବହୁ ବିସ୍ଫୋରକ ଦ୍ରବ୍ୟ ସହ ମାଓ ସାମଗ୍ରୀ ଜବତ କରିଛି ପୋଲିସ। ୬ଟି ଡିଟୋନେଟର, ସୋଲାର ପ୍ୟାକେଟ୍, ମାଓ ପୋଷାକ ଓ ବ୍ୟାଟେରୀ ଜବତ କରାଯାଇଛି।
ଶୁକ୍ରବାର ସନ୍ଧ୍ୟାରେ ଡଙ୍ଗରିଯୋରୀ ପାହାଡ଼ରେ ୨୦ରୁ ଅଧିକ ମାଓବାଦୀ ମାଓ କ୍ୟାମ୍ପ କରିଥିବା ସୂଚନା ପାଇବା ପରେ ପୋଲିସ ପକ୍ଷରୁ କମ୍ୱିଂ ଅପରେସନ୍ କରାଯାଇଥିଲା। ମାଓବାଦୀମାନେ ଗତକାଲି ଏଠାରୁ ଛତ୍ରଭଙ୍ଗ ଦେଇ କୁଆଡ଼େ ଚାଲିଯାଇଥିଲେ। ଆଜି ସକାଳେ ପୁଣି ଥରେ କମ୍ୱିଂ ଅପରେସନ୍ ସମୟରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା। ବର୍ତ୍ତମାନ କମ୍ୱିଂ ଅପରେସନ୍ ଏଠାରେ ଜାରି ରହିଛି।