ଧନୁଯାତ୍ରାରେ ରାଜୁତି କରିବେ ଭୁବନେଶ୍ୱର, ଶୁଣନ୍ତୁ ଅଟ୍ଟହାସ୍ୟ

ବରଗଡ଼(ଓଡିଶା ରିପୋର୍ଟର):  ବିଶ୍ୱପ୍ରସିଦ୍ଧ ବରଗଡ଼ ଧନୁଯାତ୍ରାରେ ୯ ବର୍ଷ ଧରି କଂସ ଭୂମିକାରେ ଅଭିନୟ କରୁଥିବା ହୃଷୀକେଶ ଭୋଇଙ୍କ ଅଟ୍ଟହାସ୍ୟ ଆଉ ଶୁଣିବାକୁ ମିଳିବନି। ଏଥର ବରଗଡ଼ ମଞ୍ଚରେ ରାଜ୍‌ କରିବେ ଭୁବନେଶ୍ୱର। ତ୍ରିପୁର ବିଜୟୀ କଂସଙ୍କୁ ନୂଆ ରୂପରେ ଦେଖିବାକୁ ପାଇବେ ଦର୍ଶକ।

ବରଗଡ଼ ଧନଯାତ୍ରାରେ କଂସ ଭୂମିକା ବେଶ୍‌ ଗୁରୁତ୍ୱପୂର୍ଣ୍ଣ। ଦୀର୍ଘ ୧୧ ଦିନ ଧରି ଅନୁଷ୍ଠିତ ହେଉଥିବା ଏହି ମୁକ୍ତାକାଶ ଯାତ୍ରା ଲାଗି ବ୍ୟାପକ ପ୍ରସ୍ତୁତି ଆରମ୍ଭ ହୋଇଥିବା ବେଳେ ଏହି ଭୂମିକା ପାଇଁ ଲାଗି ରହିଥିବା ବାଦ ବିବାଦର ଅନ୍ତ ଘଟିଛି । ମଙ୍ଗଳବାର ଏହି ଭୂମିକା ପାଇଁ କଳାକାର ଚୟନ କରାଯାଇଥିଲା। ଅନ୍ୟପ୍ରତିଯୋଗୀଙ୍କୁ ପଛରେ ପକାଇ ଭୁବନେଶ୍ୱର ପ୍ରଧାନ ବଜି ମାରି ନେଇଛନ୍ତି । ଚଳିତ ବର୍ଷ ସେ ହିଁ କଂସ ଭୂମିକାରେ ଅବତୀର୍ଣ୍ଣ ହେଉଛନ୍ତି।

ବରଗଡ଼ ଡିପିଇପି ହଲ୍‌ରେ ମଙ୍ଗଳବାର ସକାଳେ କଳାକାର ଚୟନ ଆରମ୍ଭ ହୋଇଥିଲା । ମୋଟ ୩୦ଜଣ ପ୍ରାର୍ଥୀ କଂସ ଭୂମିକାରେ ଅବତୀର୍ଣ୍ଣ ହେବେ ବୋଲି ଆବେଦନ କରିଥିବା ବେଳେ ସେମାନଙ୍କ ମଧ୍ୟରୁ ୨୮ ଜଣ ମୁଖ୍ୟ ରେସ୍‌ରେ ଥିଲେ। ଏହି ସମସ୍ତ କଳାକାରଙ୍କୁ ପଛରେ ପକାଇ ଶେଷରେ ବାଜି ମରି ନେଇଛନ୍ତି ଭୁବନେଶ୍ୱର। ଆସନ୍ତୁ ଶୁଣିବା ନୂଆ କଂସ ମହାରାଜଙ୍କ ଅଟ୍ଟହାସ୍ୟ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।