ଯାଜପୁର(ଓଡ଼ିଶା ରିପୋର୍ଟର): ଯାଜପୁର ଜିଲ୍ଲା ସୁକିନ୍ଦା ଖଣି ଅଞ୍ଚଳରେ ବଂଶୀଧର ଓ ଇଲା ପଣ୍ଡା ଫାଉଣ୍ଡେସନ ପକ୍ଷରୁ କନ୍ୟା ଏକ୍ସପ୍ରେସ ସେବାର ଶୁଭାରମ୍ଭ ହୋଇଛି । କିଶୋରୀମାନଙ୍କ ରକ୍ତହୀନତା ସମସ୍ୟାର ସମାଧାନ ନିମନ୍ତେ ସରକାରଙ୍କ ଦ୍ୱାରା ନିଆଯାଇଥିବା ‘ଆନିମିଆ ମୁକ୍ତ ଭାରତ’ ପଦକ୍ଷେପକୁ ସାକାର କରିବା ପାଇଁ ଏହି ପଦକ୍ଷେପ ନିଆଯାଇଛି । ବଂଶୀଧର ଓ ଇଲାପଣ୍ଡା ଫାଉଣ୍ଡେସନ ତରଫରୁ ଏକ ଅଭିନବ ଭ୍ରାମ୍ୟମାଣ ସ୍ୱାସ୍ଥ୍ୟ ଭ୍ୟାନ୍ ବା ‘କନ୍ୟା ଏକ୍ସପ୍ରେସ’ର ଶୁଭାରମ୍ଭ କରାଯାଇଛି ।
ଏହି ଏକ୍ସପ୍ରେସ ସରକାରୀ ବ୍ୟବସ୍ଥା ମାଧ୍ୟମରେ ନିୟମିତ ଭାବରେ କିଶୋରୀମାନଙ୍କ ହିମୋଗ୍ଲୋବିନ ସ୍ତର ଯାଞ୍ଚ କରିବା ସହ ଆଇରନ ଫଲିକ୍ ଏସିଡ ଓ କୃମିନାଶକ ବଟିକା ବଣ୍ଟନ କାର୍ଯ୍ୟକ୍ରମ କରାଯିବ । ଏଥିସହ ପୁଷ୍ଟିକର ଖାଦ୍ୟ ଓ ସ୍ୱାସ୍ଥ୍ୟ ସଚେତନତା ସଂପର୍କିତ କାର୍ଯ୍ୟକ୍ରମ କରିବ । ଇମ୍ଫାର ବିଜନେସ ୟୁନିଟ ହେଡ୍ କନ୍ୟା ଏକ୍ସପ୍ରେସକୁ ପତାକା ଦେଖାଇ ଶୁଭ ଉଦଘାଟନ କରିଛନ୍ତି ।
[caption id="attachment_743918" align="aligncenter" width="650"]
ଇମ୍ଫାର ବରିଷ୍ଠ ଅଧିକାରୀ କନ୍ୟା ଏକ୍ସପ୍ରେସ୍ର ଶୁଭ ଉଦ୍ଘାଟନ କରୁଛନ୍ତି।[/caption]
ସୁକିନ୍ଦା ବ୍ଲକ ଅନ୍ତର୍ଗତ ୨୫ଟି ପଞ୍ଚାୟତ ବୁଲି କିଶୋରୀମାନଙ୍କ ସ୍ୱାସ୍ଥ୍ୟାବସ୍ଥା ତଦାରଖ କରିବ ଏହି ଆମ୍ବୁଲାନ୍ସ । ବିଶେଷ କରି ଗ୍ରାମୀଣ ଅଞ୍ଚଳରେ ସମସ୍ତ କିଶୋରୀ ଓ ମହିଳାମାନଙ୍କର ହିମୋଗ୍ଲୋବିନ ଟେଷ୍ଟ ସହିତ ଅନ୍ୟାନ୍ୟ ସ୍ୱାସ୍ଥ୍ୟଜନିତ ଚିକିତ୍ସା କରିବା ନିମନ୍ତେ ଏହି କନ୍ୟା ଏକ୍ସପ୍ରେସ ସହାୟକ ହେବ ।
ସୁକିନ୍ଦାର କିଶୋରୀମାନଙ୍କୁ ଆନିମିଆମୁକ୍ତ କରିବାକୁ ବିଆଇପିଏଫ ଓ ଇମ୍ଫା ତରଫରୁ କନ୍ୟା ଏକ୍ସପ୍ରେସ କାର୍ଯ୍ୟକ୍ରମ ଉଦ୍ଘାଟିତ ହୋଇଛି। ଏହି କାର୍ଯ୍ୟକ୍ରମରେ ସୁକିନ୍ଦା ବ୍ଲକର ୨୫ ପଞ୍ଚାୟତରେ ୨ଟି ଭ୍ୟାନ ବୁଲିବ । ଏହା ମାଧ୍ୟମରେ କିଶୋରୀମାନଙ୍କ ହିମୋଗ୍ଲୋବିନ ସ୍ତର, ବିଏମଆଇ ଇଣ୍ଡେକ୍ସ ଓ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟାକୁ ଟ୍ରାକ୍ କରାଯିବ । ଏହି କାର୍ଯ୍ୟକ୍ରମ ଦୀର୍ଘ ୧୧ ମାସ ପର୍ଯ୍ୟନ୍ତ ଚାଲିବ । ଏହାପରେ କିଶୋରୀଙ୍କ ସ୍ୱାସ୍ଥ୍ୟ ସମସ୍ୟା ଦେଖାଦେଲେ ସରକାରୀ ହସ୍ପିଟାଲ ସହ ମିଶି ସେମାନଙ୍କୁ ମେଡିସିନ ଯୋଗାଇ ଦିଅଯିବ ବୋଲି ଇମ୍ଫାର ବରିଷ୍ଠ ଅଧିକାରୀ ସନ୍ଦୀପ ବାପୁରାଓ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
