ଖୋର୍ଦ୍ଧା: ରିଆଡମିଶନ ଫି ବୃଦ୍ଧିକୁ ନେଇ ପିଏନ କଲେଜର ଛାତ୍ରଛାତ୍ରୀଙ୍କ ଭଙ୍ଗାରୁଜା

pn collage-khurdaଖୋର୍ଦ୍ଧା: ରିଆଡମିଶନ ଫି ବୃଦ୍ଧିକୁ ବିରୋଧ କରିଛନ୍ତି ଖୋର୍ଦ୍ଧା ପ୍ରାଣନାଥ ସ୍ୱୟଂ ଶାସିତ ମହାବିଦ୍ୟାଳୟର ଯୁକ୍ତଦୁଇ ଏବଂ ଯୁକ୍ତତିନିର ଛାତ୍ରଛାତ୍ରୀ। ଚଳିତବର୍ଷ ରିଆଡମିଶନ ଫି ୧୪୦ ଟଙ୍କା ବୃଦ୍ଧି ଘୋଷଣାକୁ ବିରୋଧ କରି କିଛି ଛାତ୍ରଛାତ୍ରୀ କଲେଜରେ ଭଙ୍ଗ।ରୁଜା କରିଥିବା ଅଭିଯୋଗ ହୋଇଛି। ମହାବିଦ୍ୟାଳୟ କର୍ତ୍ତୃପକ୍ଷ ଛାତ୍ରଛାତ୍ରୀଙ୍କ ଦାବି ପ୍ରତି କର୍ଣ୍ଣପାତ କରୁ ନ ଥିବା ଅଭିଯୋଗ କରି ଏପରି ଅଭାବନୀୟ ପରିସ୍ଥିତି ସୃଷ୍ଟି ହେବା ସହ କଲେଜ ପରିସରରେ ଉତ୍ତେଜନା ପ୍ରକାଶ ପାଇଥିଲା। ଟାଉନ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଉତ୍ତ୍ୟକ୍ତ ଛାତ୍ରଛାତ୍ରୀଙ୍କୁ ବୁଝାଶୁଝା କରିଥିଲେ। ପରେ ଏକ ଜରୁରୀ ବୈଠକ କରି ତିନିଦିନ ପର୍ଯ୍ୟନ୍ତ କଲେଜକୁ ସସପେଣ୍ଡ ରଖାଯାଇଛି ବୋଲି ପିଏନ ସ୍ୱୟଂ ଶାସିତ ମହାବିଦ୍ୟାଳୟର ଅଧ୍ୟକ୍ଷ ପି.କେ. ଦାଶ ସୂଚନା ଦେଇଛନ୍ତି।