ପଥର ମାଫିଆଙ୍କ ଦାଦାଗିରି: ଚଢ଼ାଉ ପାଇଁ ଯାଇଥିବା ପ୍ରଶାସନିକ ଅଧିକାରୀଙ୍କୁ ଆକ୍ରମଣ

<p>ଖୋର୍ଦ୍ଧା: ଟାଙ୍ଗି ତହସିଲ ଅନ୍ତର୍ଗତ ପାତ୍ରପଡ଼ା ଅଞ୍ଚଳରେ ପଥର ମାଫିଆଙ୍କ ଦାଦାଗିରି ଦେଖିବାକୁ ମିଳିଛି। ବେଆଇନ ଖଣି ଉପରେ ଚଢ଼ାଉ ପାଇଁ ଯାଇଥିବାବେଳେ ୨ &nbsp;ଜଣ ତହସିଲଦାର ଏବଂ ଜଣେ ଅତିରିକ୍ତ ତହସିଲଦାରଙ୍କ ଉପରେ ଆକ୍ରମଣ ହୋଇଛି। ପାତ୍ରପଡ଼ା ଅଞ୍ଚଳର ୭ଟି ପଥର ଖଣି ଉପରେ ଚଢ଼ାଉ କରି ଟାଙ୍ଗି ଓ ଖୋର୍ଦ୍ଧାର ତହସିଲଦାରଙ୍କ ସମେତ ଚିଲିକା ଅତିରିକ୍ତ ତହସିଲଦାର ସଦଳବଳେ ଫେରୁଥିଲେ। ତା&rsquo;ସହ ଟ୍ରକ, ଟ୍ରାକ୍ଟର ଏବଂ ଜେସିବି ଜବତ କରି ଫେରୁଥିଲେ। ଏହି ସମୟରେ ୫୦ରୁ ଅଧିକ ପଥର ମାଫିଆ ପାତ୍ରପଡ଼ା ବେଆଇନ ଖଣି ନିକଟରେ ସଂଘବଦ୍ଧ ଆକ୍ରମଣ କରିଥିଲେ। ଏପରିକି ଜେସିବି ମଡ଼ାଇବାକୁ ମଧ୍ୟ ଉଦ୍ୟମ କରିଥିଲେ।</p> <p>ଏନେଇ ନିରାକାରପୁର ଥାନାରେ ୪୦ ଜଣଙ୍କ ନାଁରେ ଏତଲା ଦେଇଛନ୍ତି ୩ ଅଧିକାରୀ। &nbsp;ପୋଲିସ ଏକ ମାମଲା ରୁଜୁ କରି ଘଟଣାର ଖୋଳତାଡ଼ କରୁଛି। &nbsp;ଏହି ଘଟଣାରେ ପୋଲିସ ଜଣଙ୍କୁ ଅଟକ ରଖିଥିବା ଜଣାପଡ଼ିଛି।</p>