ଖୋର୍ଦ୍ଧା: ଲାଞ୍ଚ ନେଇ ଚିଲିକା ସର୍କଲ ଫିସରୀ ଆସିଷ୍ଟାଣ୍ଟ ସବ୍ ରେଜିଷ୍ଟାର ଭିଜିଲାନ୍ସ ହାତରେ ଗିରଫ

ଖୋର୍ଦ୍ଧା: ଜାତୀୟ ମତ୍ସ୍ୟଜିବୀ ମହାସଂଘରେ ପ୍ରଶିକ୍ଷଣ ପାଇବାକୁ ନାମ ସୁପାରିଶ କରିବାକୁ ଚିଲିକା ସର୍କଲ ଫିସରୀ ବିଭାଗର ଆସିଷ୍ଟାଣ୍ଟ ସବ୍ ରେଜିଷ୍ଟାର ୨୦୦୦ ଟଙ୍କ। ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି। ବାଲୁଙ୍ଗ। ଅଞ୍ଚଳର ହଟ କିଶୋର ଜାଲି ନାମକ ଜନୈକ ମତ୍ସ୍ୟଜିବୀ ଜାତୀୟ ମତ୍ସ୍ୟଜିବୀ ମହାସଂଘରୁ ପ୍ରଶିକ୍ଷଣ ନେବାକୁ ତାଙ୍କ ନାମକୁ ବିଭାଗ ପକ୍ଷରୁ ସୁପାରିଶ କରିବାକୁ ଅନୁରୋଧ କରିଥିଲେ । ସେ ବାରମ୍ବାର କାର୍ଯ୍ୟାଳୟକୁ ଆସିଥିଲେ ବି ତାଙ୍କ ନାମ ସୁପାରିଶ କରିବାକୁ ଅର୍ଥ ଦାବି କରାଯାଇଥିଲା । ଏ ନେଇ ହଟ କିଶୋର ଖୋର୍ଦ୍ଧା ଭିଜିଲାନ୍ସ ବିଭାଗ ନିକଟରେ ଅଭିଯୋଗ କରିଥିଲେ । ପୂର୍ବ ପ୍ରସ୍ତୁତି ଅନୁସାରେ ବିଭାଗର ଆସିଷ୍ଟାଣ୍ଟ ସବ୍ ରେଜିଷ୍ଟାର କିଶୋର ଚନ୍ଦ୍ର ଜେନାଙ୍କୁ ଆଜି ହଟ କିଶୋର ୨୦୦୦ ଲାଞ୍ଚ ଟଙ୍କା ଦେଇଥିଲେ । ଜେନା ଲାଞ୍ଚ ଟଙ୍କ। ନେଇ ନିଜ ପକେଟରେ ରଖିଥିଲେ । ଏହି ସମୟରେ ପୂର୍ବରୁ ପ୍ରସ୍ତୁତ ଥିବା ଭିଜିଲାନ୍ସ ବିଭାଗ ଅଧିକାରୀମାନେ ଚଢାଉ କରି ତାଙ୍କ ପକେଟରୁ ରସାୟନ ପ୍ରଲେପ ଦିଆଯାଇଥିବା ଟଙ୍କ। ଜବତ କରିବା ସହ ତାଙ୍କୁ ଗିରଫ କରିଥିଲା ।