ଡିଜିପି କହିଲେ ଡିସିପିଙ୍କୁ ପଚାର : ୨୪ ଘଣ୍ଟା ପରେ ବି କିଟ୍‌ ବିରୋଧରେ କାର୍ଯ୍ୟାନୁଷ୍ଠାନ ଶୂନ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଓଟିଭି ପ୍ରତିନିଧିଙ୍କୁ ଆକ୍ରମଣ ନେଇ ଏତଲା ପରେ ବି ଏପର୍ଯ୍ୟନ୍ତ କାହାରିକୁ ଗିରଫ କରିନି ପୋଲିସ। ଘଟଣାକୁ ୨୪ ଘଣ୍ଟା ବିତିଯାଇଥିଲେ ମଧ୍ୟ ଏଯାଏଁ କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ ପୋଲିସ। ଘଟଣାର ୨୪ ଘଣ୍ଟା ପରେ ମଧ୍ୟ କାହିଁକି କାର୍ଯ୍ୟାନୁଷ୍ଠାନ ନିଆଯାଇ ନାହିଁ ବୋଲି ପଚରା ଯିବାରେ ଡିଜିପି କହୁଛନ୍ତି ଡିସିପିଙ୍କୁ ପଚାର।</p><p>ଗତକାଲି ଇନ୍&zwnj;ଫୋସିଟି ଥାନାରେ ଏ ସଂକ୍ରାନ୍ତରେ ଏକ ଏତଲା ଦିଆଯାଇଥିଲା। ଏହି ଏତଲା ଭିତ୍ତିରେ କିଟ୍ ବିରୋଧରେ ମାମଲା ରୁଜୁ କରି ପୋଲିସ୍ ତଦନ୍ତ କରୁଛି। ଆଇପିସିର ଦଫା ୩୪୧, ୩୨୩ ଓ ୩୪ ଧାରାରେ ମାମଲା ରୁଜୁ ହୋଇଛି। ଗତକାଲି ବେଆଇନ ନିର୍ମାଣକୁ ବିରୋଧ କରୁଥିବା ଅଭିଯୋଗ ସମ୍ପର୍କିତ ଖବର ସଂଗ୍ରହ ପାଇଁ ଯାଇଥିବା ଓଟିଭି ଟିମ୍ ଉପରେ କିଟ୍ ସୁରକ୍ଷାକର୍ମୀ ଏବଂ ଭଡ଼ାଟିଆ ଗୁଣ୍ଡା ଆକ୍ରମଣ କରିଥିଲେ। ଏପରିକି ଧମକଚମକ ଦେଇ କ୍ୟାମେରା ଛଡ଼ାଇ ନେବାକୁ ଉଦ୍ୟମ ବି କରିଥିଲେ। ତେବେ ଘଟଣା ସମ୍ପର୍କରେ ପ୍ରତିକ୍ରିୟା ପାଇଁ ଯୋଗାଯୋଗ କରାଯାଇଥିଲେ ହେଁ, କିଟ୍ କର୍ତ୍ତୃପକ୍ଷ ମୁହଁ ଖୋଲିନାହାଁନ୍ତି।</p><p>ସୂଚନାଯୋଗ୍ୟ, କିଟ୍ କ୍ୟାମ୍ପସକୁ ଲାଗି ରାସ୍ତା କଡରେ ପଟିଆ ନୂଆବନ୍ତ ଗାଁରେ ଚନ୍ଦ୍ରଧ୍ୱଜ ସାହୁଙ୍କ ଜମି ଉପରେ ଜୋର ଜବରଦସ୍ତ କିଟ୍ ୯ ମହଲା କୋଠା ନିର୍ମାଣ କରୁଛନ୍ତି। ଏହାକୁ ଚନ୍ଦ୍ରଧ୍ୱଜ ବାରମ୍ବାର ବିରୋଧ କରୁଥିଲେ ବି ତାଙ୍କୁ ସବୁବେଳେ କିଟ୍ ନାଲି ଆଖି ଦେଖାଇ ଆସୁଛନ୍ତି। ଚନ୍ଦ୍ରଧ୍ୱଜଙ୍କ ନାଁରେ ଜମିର ଅସଲ କାଗଜପତ୍ର ରହିଛି ଓ ସେ ନିୟମିତ ଭାବେ ଜମିର ଖଜଣା ମଧ୍ୟ ପୈଠ କରୁଛନ୍ତି। କିଟ୍&zwnj; ଜବରଦଖଲ ବିରୁଦ୍ଧରେ ହାଇକୋର୍ଟର ଦ୍ୱାରସ୍ଥ ହୋଇଥିଲେ ଚନ୍ଦ୍ରଧ୍ୱଜ।</p><p>୨୦୦୮ ମସିହାରେ ଉଚ୍ଚ ନ୍ୟାୟାଳୟ ଚନ୍ଦ୍ରଧ୍ୱଜଙ୍କୁ ବେଦଖଲ ନକରିବା ପାଇଁ ରାୟ ଦେଇଥିଲେ। ହାଇକେର୍ଟଙ୍କ ନିର୍ଦ୍ଦେଶ ଅନୁସାରେ ମାପଚୁପ ପରେ ଚନ୍ଦ୍ରଧ୍ୱଜ ଫେରିପାଇଥିଲେ ୧ ଏକର ୭୦ ଡେସିମିଲ ଜମି। ହେଲେ ପରେ ହାଇକୋର୍ଟଙ୍କ ରାୟକୁ ବେଖାତିର କରିଥିଲେ କିଟ୍ କର୍ତ୍ତୃପକ୍ଷ। ଜୋରଜବରଦସ୍ତ ସେ ଜମିକୁ ଜବରଦଖଲ କରି ତିଆରି କରି ଚାଲିଛନ୍ତି କୋଠା ଉପରେ କୋଠା। ଆଜି ପୁନର୍ବାର ଗୁଣ୍ଡା ଲଗାଇ କିଟ୍ କାମ ଆରମ୍ଭ କରିଥିବାରୁ ଚନ୍ଦ୍ରଧ୍ୱଜ ସେଠାରେ ପହଞ୍ଚି ବିରୋଧ କରିଥିଲେ। ତେବେ ପ୍ରତିବାଦ କରିବାରୁ ଚନ୍ଦ୍ରଧ୍ୱଜଙ୍କୁ କିଟ୍&zwnj; କର୍ତ୍ତୃପକ୍ଷ ଗୁଣ୍ଡା ଲଗାଇ ମରଣାନ୍ତକ ଆକ୍ରମଣ କରିଥିଲେ।</p><p>ସେହିପରି ଖବର ସଂଗ୍ରହ କରିବାକୁ ଯାଇଥିବା ମିଡିଆ ପ୍ରତିନିଧିଙ୍କୁ ବି ଆକ୍ରମଣ&nbsp;କରାଯାଇଥିଲା। ଖବର ସଂଗ୍ରହ କରୁଥିବା ବେଳେ ଓଟିଭି ପ୍ରତିନିଧିଙ୍କୁ ଆକ୍ରମଣ କରିଥିଲେ।&nbsp; କ୍ୟାମେରାମ୍ୟାନ୍&zwnj;ଙ୍କୁ କିଟ୍ ଗୁଣ୍ଡାଙ୍କର ଧକ୍କା ମାରିବା ସହ କ୍ୟାମେରା ଛଡ଼ାଇ ନେବା ଅଭିଯୋଗ ହୋଇଥିଲା।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।