ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର:(ଓଡ଼ିଶା ରିପୋର୍ଟର) କିସ୍ ପ୍ରତିଷ୍ଠାତା ତଥା ବିଜେଡି ରାଜ୍ୟସଭା ପ୍ରାର୍ଥୀ ଅଚ୍ୟୁତ ସାମନ୍ତଙ୍କ ନାଁରେ ଗୁରୁତର ଅଭିଯୋଗ । ସେମାନଙ୍କ ଜମିକୁ କିସ୍ କର୍ତ୍ତୃପକ୍ଷ ବଳପୂର୍ବକ ମାଡି ବସିଥିବା ଅଭିଯୋଗ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛନ୍ତି ରାଜଧାନୀର କିଛି ବରିଷ୍ଠ ନାଗରିକ। ଅଭିଯୋଗ ଦୃଷ୍ଟିରୁ ଅଚ୍ୟୁତଙ୍କ ନାମାଙ୍କନକୁ ନାକଚ କରିବା ପାଇଁ ସେମାନେ ଦାବି କରିଛନ୍ତି। ତେବେ ଏନେଇ ଅଚ୍ୟୁତ କିନ୍ତୁ ମୁହଁ ଖୋଲି ନାହାଁନ୍ତି ।</p> <p>କିସ୍‌ର ଦାଦାଗିରି ଆଗରେ ନିଜର ଅସହାୟତାକୁ କୋହଭରା କଣ୍ଠରେ ବୟାନ କରିଛନ୍ତି ରାଜଧାନୀର ବୟସ୍କା ମହିଳା ବିନ୍ଦୁ ଦାସ। ପ୍ଲଟ୍ ନମ୍ବର ୫୮୧/୧୭୫୧ ଭୁବନେଶ୍ୱର ପଥରଗାଡିଆ ମୌଜାରେ ଥିବା ଏହି ଜମିକୁ ୧୯୮୩ ମସିହାରେ କିଣିଥିଲେ ବିନ୍ଦୁଙ୍କ ସ୍ୱାମୀ ଜୀବନ କିଶୋର ଦାସ । ମାତ୍ର ସେଠି ଏବେ ଠିଆ ହୋଇଛି କିଟ୍ ଜଗନ୍ନାଥ ମନ୍ଦିର। ସ୍ୱାମୀଜମି ପାଇଁ ଲଢି ଲଢି ଆରପାରିକୁ ଚାଲିଗଲେ । ଆଉ ଏବେ ଅଧିକାର ପାଇଁ ସେ ଲଢୁଛନ୍ତି । ଏଭଳି ଲୋକଙ୍କୁ କିଭଳି ପୁରସ୍କୃତ କରାଯାଉଛି ବୋଲି ପ୍ରଶ୍ନ କରିଛନ୍ତି ବିନ୍ଦୁ। ତେବେ କେବଳ ବିନ୍ଦୁ ନୁହଁନ୍ତି ଖାତା ନମ୍ବର ୪୨୦, ୪୨୯ ଓ ୫୧୭ରେ ଥିବା ୩୨ରୁ ଅଧିକ ଲୋକଙ୍କ ଜମିକୁ କିସ୍ କବ୍‌ଜା କରିଥିବା ଅଭିଯୋଗ ହୋଇଛି । ଏନେଇ ଆଜି କିଛି ଜମି ମାଲିକ ବି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଦ୍ୱାରସ୍ଥ ହୋଇଛନ୍ତି । ଅଚ୍ୟୁତଙ୍କ ରାଜ୍ୟସଭା ନାମାଙ୍କନକୁ ନାକଚ କରିବା ଲାଗି ସେମାନେ ଦାବି କରିଛନ୍ତି।</p> <p>ଅଭିଯୋଗକାରୀ ଦର୍ଶାଇିଛନ୍ତି ଯେ, ଭୁବନେଶ୍ୱର ତହସିଲ୍ ଅନ୍ତର୍ଗତ ପଥରଗାଡ଼ିଆରେ ସେମାନେ କିଣିଥିବା ଜମିକୁ କିସ୍ ଜବରଦଖଲ କରିବା ସହ ଆଉ କିଛି ଜମିକୁ ରାସ୍ତା ଛାଡୁନାହିଁ। ତା’ସହ ସେମାନଙ୍କ ପାଚେରୀକୁ ବାରମ୍ବାର ଭାଙ୍ଗି ଦିଆଯାଉଛି। ସେହିପରି ଆଉ କିଛି ଲୋକଙ୍କ ଜମିକୁ କିସ୍ କର୍ତ୍ତୃପକ୍ଷ ଧମକଚମକ ଦେଇ ଶାଗମାଛ ଦରରେ ହାତେଇଥିବା ଅଭିଯୋଗ ମଧ୍ୟ ଆସୁଛି। ଜବରଦଖଲ ଜମିରେ ବେଆଇନ ଭାବେ ଖେଳପଡିଆ, ହଷ୍ଟେଲ, କଲ୍ୟାଣ ମଣ୍ଡପ ଓ ମନ୍ଦିର ନିର୍ମାଣ କରାଯାଇଥିବା ଅଭିଯୋଗ ହୋଇଛି।</p> <p>&nbsp;</p> <p>&nbsp;</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
