ଜୟପୁର: କୋରାପୁଟ ଜିଲ୍ଲା ବୋରିଗୁମ୍ମା ଥାନା ଅନ୍ତର୍ଗତ କୁମୁଲି ଗାଁରେ ଜୁଆ ଆଡ୍ଡା ଉପରେ ପୋଲିସ୍ ଚଢ଼ାଉ କରିବାବେଳେ ଜୁଆଡ଼ିମାନେ ସଂଘବଦ୍ଧ ଭାବେ ଆକ୍ରମଣ କରିଥିବା ଅଭିଯୋଗ ହୋଇଛି। ଏହା ସହ ଦୁଇଟି ପୋଲିସ ଗାଡ଼ି ଭାଙ୍ଗି ଦେଇଥିବା ଜଣାପଡ଼ିଛି।
ବୋରିଗୁମ୍ମା ଥାନା କୁମୁଲି ଗାଁରେ ଜୁଆ ଆଡ୍ଡା ଚାଲିଥିବା ପୋଲିସ୍ ଖବର ପାଇଥିଲା। ବୋରିଗୁମ୍ମା ଥାନା ଏସଡିପିଓଙ୍କ ନେତୃତ୍ୱରେ ଗତକାଲି ରାତିରେ ପୋଲିସ୍ ଟିମ୍ ଚଢ଼ାଉ କରିଥିଲା। ଚଢ଼ାଉ ବେଳେ ଲୋକମାନେ ସଂଘବଦ୍ଧ ଭାବେ ପୋଲିସ୍ଙ୍କ ଉପରକୁ ଆକ୍ରମଣ କରିଥିଲେ।
କୁମାର ପୂର୍ଣ୍ଣମୀ ପାଇଁ କୁମୁଲି ଗାଁରେ ଜୁଆ ଖେଳ ହୋଇଥାଏ।